Ku Yentxeka Yini Loko Hi Fa?

U tshama u feliwa hi munhu lweyi u mu rhandzaka? Ka xiyimu xolexo xa ku karhata swi nga yentxeka u tivutisa leswi: ‘Ku yentxeka yini hi hina loko hi fa? Hi ta tlhela hi va vona lava va nga fa?’ Ka djondzo leyi ni leyi yi landzelaka hi ta vona tinhlamulu ta Bibele leti tiyisanaka.

1. Ku yentxeka yini loko hi fa?

Yesu a fananise lifu ni wurhongo la likulu, munhu lweyi a nga yetlela wurhongo la likulu a nga swi tivi leswi yentxekaka. A lifu li fanisa ku yini ni wurhongo? Loko munhu a file a nga twi ku vava, a nga titwi a li yexe, naswona a nga xuvi vanghanu kumbe maxaka ya yena lawa a a ma rhandza, Bibele li li: “Lava nga fa a va tivi nchumu ni xin’we.” — Lerha Eklesiasta 9:5.

2. Ku tiva ntiyiso hi lifu swi hi pfunisa ku yini?

Vanhu va vanyingi va chava ku fa va tlhela va chava ni vanhu lava va nga fa, kambe wena u nga tiyisiwa hi leswi Bibele li swi vulaka hi lifu. Yesu a te: “Ntiyiso wu ta mi chunsa.” (Yohani 8:32) Wukhongeli lin’wana li djondzisa swaku loko munhu a fa ku ni nchumu lexi tamaka xi hanya kambe a hi swona leswi Bibele li swi djondzisaka. Lava va nga fa a va hlupheki naswona a va nge hi vavisi, hi mhaka leyo a hi fanelanga hi va nyika minchumu ni ku va gandzela hi ku chava swaku va nga hi kwatela.

Vanhu van’wana va vula swaku va nga swi kota ku vulavula ni lava va nga fa, kambe leswo a swi nge koteki. Hi lani hi nga djondza hi kona, lava va nga fa “a va tivi nchumu ni xin’we.” Lava va pimisaka swaku va vulavula ni vanhu lava va nga fa, ku vula ntiyiso va vulavula ni madimoni lawa ma tiyentxaka ingi hi wona vanhu lava va nga fa. Se ku tiva ntiyiso hi lifu swa hi vhikela ka madimoni. Yehovha a hi byela swaku hi nga zami ku vulavula ni lava va nga fa hikusa ku yentxa leswo i ku vulavula ni madimoni naswona a swi nge hi fambeli kahle. — Lerha Deteronoma 18:10-12.

3. Djondza ntiyiso hi vanhu lava va nga fa

Amisaveni hinkwayu vanhu va kholwa minchumu ya ku hambana hi leswi yentxekaka loko hi fa. Phela hinkwaswu leswi va swi kholwaka a hi ntiyiso.

• Lani u tshamaka kona i mpsini leswi vanhu va swi kholwaka hi lifu?

VHIDIYO: Xana Kumaheka Yini Hi Hina Loko Hi fa? — Xiyenge (1:19)

Lerhani Eklesiasta 3:20, mi gama mi bula hi swivutiso leswi landzelaka:

• Hi ku ya hi ndzimana leyi ku yentxeka yini loko munhu a fa?

• Ndzimana leyi yi vula swaku loko munhu a fa ku ni nchumu lexi tamaka xi hanya ka ndhawu yin’wana?

Bibele li vulavula hi lifu la Lazaru lweyi a a li munghanu wa Yesu. Loko mi lerha Yohani 11:11-14, vonani leswi Yesu a nga swi vula hi leswi nga yentxekela Lazaru. Mi gama mi bula hi swivutiso leswi landzelaka:

• Yesu a fanise lifu ni yini?

• Leswi Yesu a nga swi vula swi hi djondzisa yini hi leswi yentxekaka loko munhu a fa?

• U titwisa ku yini hi leswi Bibele li swi vulaka hi lifu?

4. Ku tiva ntiyiso hi lifu swa hi pfuna

Ku tiva ntiyiso hi lifu swi hi pfuna ku kala hi nga va chavi vanhu lava va nga fa. Lerhani Eklesiasta 9:10, mi gama mi bula hi xivutiso lexi landzelaka:

• Lava va nga fa va nga hi vavisa?

Ntiyiso wa Bibele wa hi vhikela ka mavunhwa lawa ma vulavuliwaka ya ku lava va nga fa va lava ku nyikiwa minchumu kumbe ku gandzeliwa. Lerhani Esaya 8:19 na Nhlawutelo 4:11, mi gama mi bula hi xivutiso lexi landzelaka:

• U pimisa swaku Yehovha a titwisa ku yini loko hi gandzela vanhu lava va nga fa kumbe hi kombela ku pfuniwa hi vona?

5. Ku tiva ntiyiso hi lifu swa hi tiyisa

Vanhu va vanyingi va djondzisiwe swaku loko va fa va ta hluphiwa hi mhaka minchumu ya ku biha leyi va nga yi yentxa. Kambe swa hi tiyisa ku tiva swaku a ku na munhu lweyi a hluphiwaka loko a file, hambiloko a yentxe minchumu ya ku biha hintamu. Lerhani Varoma 6:7, mi gama mi bula hi xivutiso lexi landzelaka:

• Bibele li vula swaku loko munhu a fa swidjoho swa yena swi rivaleliwile, se u vona swaku loko munhu a fa a nga hluphiwa hi mhaka swidjoho leswi a nga swi yentxa?

Loko hi ya hi mu tiva ku yampsa Yehovha hi ta ya hi swi twisisa swaku lava va nga fa a va le ku hluphekeni, hikusa kuva vanhu va hluphiwa a swi mu tsakisi Yehovha. Lerhani Deteronoma 32:4 na 1 Yohani 4:8, mi gama mi bula hi swivutiso leswi landzelaka:

• Indje Xikwembu lexi nga ni wumunhu la ku fana ni leli hi nga li vona ka tindzimana leti, xi nga va hlupha lava va nga fa?

• Swa ku tiyisa ku tiva ntiyiso hi lifu? Hi mhaka muni?

LESWI HI NGA SWI DJONDZA

Loko munhu a fa a nga ha tivi nchumu ni xin’we. Lava va nga fa a va hlupheki naswona a va nge va vavisi lava va hanyaka.

Ku kambela leswi hi nga swi djondza

• Ku yentxeka yini loko hi fa?

• Ku tiva ntiyiso hi lifu swi hi pfunisa ku yini?

• Ku tiva ntiyiso hi lifu swi hi tiyisisa ku yini?

LOKO U LAVA KU TIVA SWIN’WANA

Ku nga va swaku Bibele la swi djondzisa swaku loko munhu a fa ku ni nchumu lexi tamaka xi hanya?

“Moya-xiviri I Yini?” (Nhlokomhaka leyi nga ka site la jw.org hi Xitsonga)

Indje Xikwembu xi tirhisa ndzilu wa ku kala wu nga heli swaku xi hlupha vanhu lava va nga yentxa minchumu ya ku biha?

Indjhe Ndhawu Ya Ku Hisa Vanhu Hi Ndzilu Wa Ku Kala Wu Nga Timeki Yi Kona Hikakunene? (3:07)

Hi fanele hi chava vanhu lava va nga fa?

Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene? (broxura hi Xitsonga)

Vona swaku wanuna mun’wana a pfunekise ku yini nkama a nga djondza ntiyiso hi leswi yentxekaka loko hi fa.

“Ndzi Tsakisiwe Hi Tinhlamulo Ta Bibele Leti Twisisekaka” (Murindzi wa 1 ka Fevereiro wa 2015 hi Xitsonga)