Yampsisa Ndlela Leyi U Chumayelaka Ha Yona — Kupfuna Lavanga ni ‘Kutiyimisela Lokunene’ Leswaku Va Va Vadjondzisiwa

HAYINI SWILI SWA LISIMA: Hikuva Yehovha hi yena a yendlaka timbewu ta ntiyiso ti kula atimbilwini ta lavanga ni ‘kutiyimisela lokunene ka wutomi lelinga heliki’. (Min 13:48; 1Ko 3:7) Hi tirha swin’we na yena hi kuti karhatela kukhatala hi lava yamukelaka leswi hiva djondzisaka swona antirhweni wochumayela. (1Ko 9:26) Lava hi djondzaka na vona Bibele va fanele vaswi twisisa leswaku nkhuvulo wa Wukreste wa laveka leswaku va ponisiwa. (1Pe 3:21) Hingava pfuna kuva vadjondzisiwa hi kuva djondzisa kuyendla kucinca awuton’wini la vona, leswaku va chumayela, va djondzisa van’wana va tlhela va nyiketela wutomi la vona ka Yehovha. — Mt 28:19, 20.

UNGASWI KOTISA KUYINI:

• Tsundzuxa swidjondzo swa wena swa Bibele leswaku a xikongomelo xa djondzo i kuswi pfuna ‘kutiva’ Yehovha ni kumu tsakisa. — Yh 17:3

• Swi pfune kuyendla nhluvuku wa moya hi kuhlula swihinga swotani hi mati khomela yobiha ni kutlanga ni vanghanu vobiha

• Hambeta uwi tiyisa ni kuswi khutaza hambiloko se swi khuvuliwile. — Min 14:22

HLALELA VHIDIYO LELINGE: YEHOVHA XIKWEMBU ATAKU PFUNA, U GAMA U HLAMULA SWIVUTISO LESWI LANDZELAKA:

• I yini leswinga yendlaka munhu a chava kuti nyiketela ni kukhuvuliwa?

• Xana madoda mangaswi pfunisa kuyini swidjondzo swa Bibele kuyendla nhluvuku wa moya?

• Xana buku la Esaya 41:10 lihi djondzisa yini hi Yehovha?

• I wumunhu la muxaka muni lelingahi yendlaka hi tirhela Yehovha hi ndlela leyi yamukelekaka hambileswi hinga hetisekangiki?