DJONDZO 12

Kukombisa Musa ni Ntwelawusiwana

1 Vatesalonika 2:7, 8

U FANELE U YENDLA YINI? Kombisa mintlhaveko loko u vulavula naswona komba vayingiseli va wena leswaku u ni mhaka na vona.

Yanakanya hi vayingiseli va wena. Lunghiselela mbilu ya wena hi kukhumbuka swikarhato leswi va kumanaka na swona. Zama kuvona ndlela leyi va titwaka hi yona.
Hlawula kahle marito ya wena. Zama kurhulisa moya wa vayingiseli va wena, uva chavelela ni kuva tiyisa. Papalata marito lamangatava kwatisa, naswona unga poyili lavanga gandzeliki Yehovha kumbe kuvulavula kubiha hi leswi vaswi kholwaka.
Kombisa leswaku u ni mhaka ni vayingiseli va wena. Hi kutirhisa mavoko ni rito lelinene kombisa leswaku hakunene u ni mhaka na vona. Ti karhateli kulanguteka kahle anghoheni ya wena naswona minkama hinkwayo b’onyozela loko swi fanelile.

Unga sindzisi mintlhaveko ya wena kumbe kuyi kombisa kutlula mpimo. Kombisa mintlhaveko leyi yelanaka ni laha u lerhaka kona, kambe ungati laveli ndhuma hi kuyendla sweswo. Zama kuvulavula hi ndlela ya lirhandzu ni leyi kombisaka ntwelawusiwana.