DJONDZO 19

Kuti Karhatela Kufikelela Mbilu

Swivuriso 3:1

U FANELE U YENDLA YINI? Pfuna vayingiseli va wena leswaku va tlangela leswi vaswi djondzaka ni kuhanya hi kupfumelelana na swona.

Pfuna vayingiseli va wena vati kambisisa. Yendla swivutiso swoyanakanyisisa leswaku vayingiseli va wena va kambisisa ndlela leyi va titwaka hi yona.
Va khutazi leswaku va kambisisa minsusumeto ya vona. Pfuna vayingiseli va wena va kambisisa leswaku hayini va yendla leswinene. Va pfuni leswaku va yendla hilaha va kotaka ha kona leswaku va kombisa kurhandza Yehovha, vanhu kuloni ni tidjondzo ta Bibele. Pfuna vayingiseli va wena leswaku va vona vuyelo laku tirhisa wutlhari la Bibele; ungava khayimi. Matshanwini ya kuva danisa, mahetelelo ya nkulumi ya wena ma fanele mava lawa ma khutazaka, naswona va pfuni leswaku va tiyimisela kuyendla hilaha vanga kotaka ha kona.
Kongomisa yingiso ka Yehovha. Kandzihisa ndlela leyi tidjondzo ta Bibele, matshinya ya minawu ni swileriso swa Xikwembu swi kombisaka hi yona lirhandzu ni wumunhu la xona ka hina. Pfuna vayingiseli va wena leswaku va navela kukambisisa ndlela leyi Yehovha a titwaka hi yona ni kunavela kumu tsakisa.

Khumbuka leswaku i Yehovha lweyi a kokelaka vanhu ka yena. Kutani tirhisa Rito la yena leswaku u khutaza vayingiseli va wena.