DJONDZO 13

Kuveka Matirhelo ya Mhaka a Livaleni

Swivuriso 3:21

U FANELE U YENDLA YINI? Pfuna vayingiseli va wena leswaku va twisisa ndlela leyi mhaka ya wena yi va khumbaka hi yona naswona va kombe matirhiselo ya leswi vaswi djondzaka.

UNGASWI YENDLISA KUYINI?

Yanakanyisisa hi vayingiseli va wena. Pimisa hi xivangelo lexi yendlaka mhaka ya wena yi va ya lisima ka vayingiseli, naswona ka nhlokomhaka, kambisisa leswingatava pfuna hi kukongoma.
Loko u li karhi u veka nkulumi, kombisa leswi vayingiseli va faneleke vaswi yendla. Na waha sungula, vayingiseli va wena hinkwavo va fanele va tekela kuswi vona leswaku mhaka leyi u vulavulaka hi yona yi khumba mun’wana ni mun’wana wa vona. Kombisa ndlela leyi vanga tirhisaka hi yona mhakankulu yin’wana ni yin’wana ka wutomi la vona. Unga djikadjiki, kongoma mhaka.

Bulisana na vona hi matirhiselo ya matshinya ya minawu ya Bibele hi ndlela ya lirhandzu ni leyi kombisaka leswaku wayi twisisa ndlela leyi va titwaka hi yona. Matshan’wini ya kuva yendla va titwa nandzu kutlula mpimo, va pfune leswaku va tiyisa lirhandzu ni lipfumelo la vona ka Yehovha, na u tiyiseka leswaku timbilu ta vona tita va susumetela kuyendla leswinga swinene.