Vulavula Hi Leswi Tsakisaka Van’wani

I Mpsini Leswi Yesu A Nga Swi Yendla?

VHIDIYO: Yesu Ni Wansati Lweyi A A Li Ka Xihlovo

1. Sixtira VHIDIYO, kumbe u lerha Yohani 4:6-9. U gama u hlamula swivutiso leswi landzelaka:

1. I mpsini leswi Yesu a nga swi vona ka wansati lweyi a a lava ku bula na yena na va nga se sungula ku bula?

2. Yesu a te: “Ni kombela mati ya ku nwa.” Hi mhaka muni lawo a ku li masungulu yamanene ya mabulu?

Hi Djondza Yini Ka Leswi Yesu A Nga Swi Yendla?

2. Hi nga va ni mabulu yamanene loko hi sungula mabulu hi swilo leswi tsakisaka lweyi hi bulaka na yena.

Tekelela Xikombiso Xa Yesu

3. Titwananisi ni xiyimu. U nga sindzisi ku sungula mabulu hi leswi u nga swi lulamisela. Sungula mabulu hi ku vulavula hi leswi vanhu va swi pimisaka hi siku lolelo. Tivutisi:

1. ‘I mpsini leswi mahungu ma vulavulaka hi swona?’

2. ‘I mpsini leswi vavhizinyu, vanhu lava u tirhaka na vona kumbe lava u djondzaka na vona, va vulavulaka hi swona?’

4. Tirhisa leswi u swi vonaka. Tivutisi:

1. ‘I mpsini leswi munhu lweyi u lavaka ku bula na yena a swi yendlaka hi nkama wolowo? I mpsini leswi a nga vaka na a pimisa hi swona?’

2. ‘Mpahla leyi a nga yi yambala, matshamelo ya yena kumbe kaya ka yena, swi kombisa swaku a khongela kwini kumbe a ta hi kwini?’

3. ‘Indjhe i nkama wawunene wa ku vulavula na yena?’

5. Yingisela.

1. U nga vulavuli ngopfu.

2. Tshika lweyi u bulaka na yena a tiphofula, naswona loko swi fanelile mu yendli swivutiso.