Chumayela Mahungu Ya Ku Tsakisa Ya Leswaku Misava Ya Nyuwani Yi Le Kusuhi!

Hi Novembro, hi ta yentxa hinkwaswu leswi hi nga ta swi kota swaku hi chumayela mahungu ya ku tsakisa ya ku misava ya nyuwani yi kusuhi. (Ps 37:10, 11; Nhl 21:3-5) Na wena tilunghiseleli kahle swaku u ta kota ku va kona ka kampanya leli. Loko ku li swaku u ta va mupfuli wa ndlela wa ku pfunisa, u nga ha langa ku hamba 30 kumbe 50 wa mawora.

Tilunghiseleli swaku u kota ku bula ni vanhu va vanyingi hi tindzimana leti vulavulaka hi paradesi. Loko u langa ndzimana ya Bibele leyi u nga ta yi tirhisa, langa leyi nga ta fambisana ni swiyimu swa vanhu va teritoriyu la wena. Loko u kuma munhu wa ku tsakela, mu nyiki revhixta la Murindzi wa N.^o 2 wa 2021. Loko a tama a kombisa swaku wa swi tsakela ku bula hi Bibele zama ku sungula djondzo ya Bibele hi broxura leli nge Tikhorisi Hi Wutomi La Ku Kala Li Nga Heli. Impela swi ta tsakisa ku chumayela “mahungu ya ku tsakisa ya swa swinene.” — Esa 52:7.

SIXTIRA LISIMU LA BROADCASTING LELI NGE: TIVONI SE NA U LI PARADESI, U GAMA U HLAMULA SWIVUTISO LESWI:

• Hi swini swilo swa ku xonga leswi n’wana lweyi a kombisiwaka ka vhidiyo a pimisaka hi swona?

• I mpsini leswi u swi lavaka hintamu ku swi vona swi yentxeka paradesi?

• Ku pimisa hi ntshembo lowu hi nga na wona swi nga hi pfunisa ku yini ku tilunghiselela ka kampanya leli hi nga ta va na lona hi Novembro? — Lk 6:45