Tempele Ya Yehovha

Nkama lowu Solomoni a nga va hosi ya Israyele, Yehovha a mu vutisile a ku:

— Solomoni u lava ni ku nyika yini?

Yena a ku:

— Hosi ya mina Yehovha na ha li jovhem a ni swi tivi kahle leswi ni swi lavaka, kambe ni kombela wutivi leswaku ni ta kota ku hlayisa kahle vanhu va wena.

Loko Yehovha a twe leswo a te:

— Leswi wena u nga ni kombela wutivi, ni ta yendla leswaku u va ni wutivi la ku tlula vanhu hinkwavu lani misaveni, ni ta tlhela ni yendla leswaku u ganya hintamu, se loko u ni yingisa u ta hanya malembe ya manyingi.

Solomoni a sungule ku yaka tempele. Vavanuna va ku tala ni vavasati va tirhile ka ku yaka, na va tirhisa minchumu ya kahle. Loko se ku hundze 7 wa malembe a tempele se a yi helile. Se Solomoni a lave ku nyikela tempele ka Yehovha, yena a veke maprezenti ka altari, a gama a khizama a sungula ku khongela a ku:

— Yehovha Hosi ya mina u faneliwa hi ndhawu ya kahle ku tlula tempele leyi, hi kombela leswaku u yamukela ndhawu leyi ni ku tlhela u yingisa swikhongelo leswi hi nga ta swi yendla lani.

Wa swi tiva leswi Yehovha a nga swi yendla ku kombisa leswaku a yi tsakelile tempele? Loko Solomoni a gamile ku khongela Yehovha a yendle leswaku ku xika ndzilu hi le tilweni, wu hisa swilo hinkwaswu leswi a swi li henhla ka altari. Nkama lowu Vayisrayele va nga swi vona va tsake hintamu swinene.

Vanhu va vanyingi se a va mu tiva Solomoni hi mhaka wutivi leli a a li na lona. Vanhu va tindhawu hinkwatu a va ya ka yena leswaku a ya va pfuna ku lulamisa swikarhatu swa vona. Hambi hosi yin’wani ya xisati leyi a yi tshama kule swinene ka ndhawu leyi vitaniwaka Xeba, yi fambile leswaku yi ya vulavula na Solomoni. Yona a yi lava ku kholwa swaku hikakunene Solomoni a a ni wutivi. Loko se yi vulavule na Solomoni, yona yi vule leswi:

— Nkama lowu va nga ni byela swaku wena u ni wutivi la linyingi a ni kholwanga, kambe swoswi na swi vona swaku i ntiyiso, Yehovha Xikwembu xa wena wa ku pfuna.

A wutomi aIsrayele a li tsakisa hintamu swinene, vanhu a va tshama na va tsakile kambe swilo a swi ta txintxa.