“Misava Yi Ta Va Paradesi”

Yehovha a tshembise leswi:

— Ku karhateka, ku twa ku vava, mavabyi ni lifu a swi nga ha ta va kona. Ni ta limpa mihloti ka matihlo ya vanhu hinkwavu naswona a va nga ha ta khumbuka swilo swa ku biha.

Yehovha a a lava swaku Adamu na Evha va hanya hi ku rhula na va tsakile ka jardim la Edeni. A va fanele va gandzela Xikwembu ntsena, va tlhela va va ni vana va vanyingi swaku va tata misava. Adamu na Evha a va mu yingisanga Yehovha. Kambe Yehovha wa ha lava leswaku misava yi va paradesi. Ka buku leli, hi vone leswaku Xikwembu xa swi hetisisa leswi xi swi tshembisaka. Naswona Mfumu wa Xikwembu wu ta yendla swilo hinkwaswu swaswinene, leswi Yehovha a nga swi tshembisa Abrahamu.

A ku choti kule leswaku Yehovha a helisa Sathana, madimoni, ni vanhu hinkwavu lava va yendlaka swilo swa ku biha. Se atilweni ni lani misaveni hinkwerhu hi ta gandzela Yehovha. A ku nga ha ta va ni mavabyi, naswona a ku nga ha ta fa munhu. Hi ta pfuka na hi tsakile siku ni siku. Misava hinkwayu yi ta va paradesi, vanhu hinkwavu va ta va ni swakudla, naswona hi ta tshama ka tiyindlo tatinene, a hi nga ha ta chava nchumu. A ku nga ha ta va ni vanhu lava va yendlaka swilo swa ku biha, funtshi hi ta tshama ni swiharhi, swona a swi nga ha ta hi chava, na hina a hi nga ha ta swi chava.

Swi ta tsakisa ndjhani, loko Yehovha a sungula ku pfuxa vanhu lava nga fa. Hi ta yamukela vanhu lava va nga fa khale, va ku fana na Abele, Nowa, Abrahamu, Sara, Moxe, Ruti, Estere na Davhida. Phela hi ta pfunana ka ku yendla misava leyi yi va paradesi. Minkama hinkwayu hi ta tikhorisa hi ku yendla mintirho ya yinyingi.

Yehovha a swi lava hintamu leswaku u va kona aparadesi. Phela swi ta tsakisa hintamu ku djondza swa swinyingi hi Yehovha. Se siku ni siku, yendla hinkwaswu leswi u nga swi kotaka leswaku u tama u va munghanu wa Yehovha. Loko u yendla leswo, u ta va munghanu wa yena hi masiku ni masiku.