DJONDZO 37
Bibele Li Li Yini Hi Ntirho Ni Male?
U tshama u karhateka hi mhaka ntirho kumbe male? Swi nga karhata ku kuma ntirho lowu nga hi pfunaka ku tihlayisa ni ku tlhela hi tirhela Yehovha hi ndlela leyi mu fanelaka. Kambe Bibele li nga hi pfuna.
1. Bibele li li yini hi ntirho?
Xikwembu xi lava swaku hi tsaka hi ntirho lowu hi wu yentxaka. Bibele li vula swaku “a kuna swa ku yampsa ka munhu ku tlula ku . . . tsaka hi ntirho wa yena wa matimba.” (Eklesiasta 2:24) Yehovha a tirha hintamu. Se loko hi tikarhatela ku tirha ku fana na yena hi ta mu tsakisa, naswona na hina hi ta tsaka.
Ku tirha i swa lisima, kambe a hi fanelanga hi tshika ntirho wu va wa lisima hintamu ku tlula ku gandzela Yehovha. (Yohani 6:27) Yena a tshembisa swaku loko hi rhangisa ku rhandza ka yena, a ta hi hlayisa ka hinkwaswu leswi hi swi lavaka.
2. Hi fanele hi yi vonisa ku yini male?
Bibele li vula swaku ‘male i xivhikelo’ kambe li tlhela li vula swaku male hi yoxe a yi nge hi yentxi hi tsaka. (Eklesiasta 7:12) Hi mhaka leyo, Bibele li vula swaku a hi fanelanga hi rhandza male kambe li li: “Tsakani hi leswi mi nga na swona.” (Lerha Vaheberu 13:5.) Loko hi yentxa leswo, a hi nga ta tshuka hi karhateka hi ku pimisa swaku a hi na hinkwaswu leswi hi swi lavaka swaku hi hanya naswona a hi nga ta yentxa swikweneti na swi nga bohi. (Swivuriso 22:7) Nakambe a hi nga ta wela nghozini ya ku tha majogu kumbe ku yentxa minchumu leyi hi pimisaka swaku yi ta hi yentxa hi kuma male hi ku hantlisa.
3. Hi nga yi tirhisisa ku yini male swaku hi pfuna van’wana?
Yehovha i Xikwembu lexi rhandzaka ku nyika, naswona ha mu tekelela loko ‘hi nyikana, hi tinyimisela ku yavelana ni van’wana leswi hi nga na swona.’ (1 Timotiyu 6:18) Hi nga tirhisa male ya hina swaku hi pfuna bandla hi tlhela hi pfuna vanhu van’wana, ngopfungopfu vamakwerhu bandleni. Xa lisima ka Yehovha a hi ku tala ka swilo leswi hi nyikelaka hi swona kambe hi lexi xi hi yentxaka hi nyikela. Loko hi nyikela na swi suka mbilwini hi ta tsaka hi tlhela hi tsakisa Yehovha. — Lerha Mintirho 20:35.
DJONDZA SWIN’WANA
Vona swaku hi nga pfunekisa ku yini loko hi veka ntirho ka ndhawu ya wona ni ku tsaka hi leswi hi nga na swona.
4. Dzunisa Yehovha hi ndlela leyi u tirhaka hi yona
Wunghanu la hina na Yehovha li fanele li khumba leswi hi wu vonisaka xiswona ntirho. Sixtirani VHIDIYO, mi gama mi bula hi swivutiso leswi landzelaka.
Ka vhidiyo, i mpsini swi nga ku hlamalisa ka leswi Jason a nga swi yentxa ni ndlela a a tikhoma hi yona ntirhweni?
I mpsini leswi a nga swi yentxa swaku a veka ntirho ka ndhawu ya wona?
Lerhani Vakolosa 3:23, 24, mi gama mi bula hi xivutiso lexi landzelaka:
Hi mhaka muni swi li swa lisima kuva hi va vatirhi va vanene?
A ntirho i wa lisima kambe a hi fanelanga hi wu tshika wu va wa lisima hintamu ku tlula ku gandzela Yehovha
5. Ku tsaka hi leswi hi nga na swona swa hi pfuna
Ku tala ka vanhu va zama ku hlengeletela male ya yinyingi hilani va nga kotaka hikona. Kambe Bibele li hi byela swaku hi yentxa minchumu ya ku hambana ni leyo. Lerhani 1 Timotiyu 6:6-8, mi gama mi bula hi xivutiso lexi landzelaka:
Bibele li hi byela swaku hi yentxa yini?
Hi nga tsaka hambiloko ho va ni male ya yitsongo. Sixtirani VHIDIYO, mi gama mi bula hi xivutiso lexi landzelaka.
I mpsini leswi yentxaka mindjangu leyi yi tsaka hambileswi yi nga ni male ya yitsongo?
Se hi ta yentxa yini loko hi li ni swa swinyingi kambe hi tama hi lava swin’wana? Yesu a nyikele xikombiso loko a vulavula hi nghozi ya ku lava swa swinyingi. Lerhani Luka 12:15-21, mi gama mi bula hi xivutiso lexi landzelaka:
U djondze yini ka xikombiso xa Yesu? — Vona ndzimana 15.
Lerhani mi tlhela mi fananisa Swivuriso 10:22 na 1 Timotiyu 6:10. Mi gama mi bula hi swivutiso leswi landzelaka:
U vona swaku i mpsini swi nga swa lisima hintamu? I ku va munghanu wa Yehovha kumbe i ku va ni male ya yinyingi? Hi mhaka muni u pimisa leswo?
Hi swini swikarhatu leswi munhu a nga kumanaka na swona hi ku lavetela male ya yinyingi?
6. Yehovha a ta hi hlayisa
Swikarhatu swa ntirho kumbe ku pfumala male swi nga ha ringa lipfumelo la hina ka Yehovha. Sixtirani VHIDIYO swaku mi vona leswi hi nga swi yentxaka loko hi kumana ni swikarhatu swa ku fana ni leswo, mi gama mi bula hi swivutiso leswi landzelaka.
Ka vhidiyo, hi swini swikarhatu leswi makwerhu a nga kumana na swona?
I mpsini leswi a nga swi yentxa swaku a hlula swikarhatu leswi?
Lerhani Matewu 6:25-34, mi gama mi bula hi xivutiso lexi landzelaka:
Yehovha a tshembisa ku va yentxela yini lava va rhangisaka ku yentxa ku rhandza ka yena?
VAN’WANA VA LI: “Swi lava ni tirha leswaku ni hlayisa ndjangu wa mina. A ni nge swi koti ku ya ka mintlhanganu vhiki ni vhiki.”
Hi yini ndzimana yi ku kholwisaka swaku ku rhangisa ku tirhela Yehovha i swinene minkama hinkwayu?
LESWI HI NGA SWI DJONDZA
Ntirho ni male i swa lisima, kambe minchumu leyi a yi fanelanga yi hi yentxa hi nga swi koti ku tirhela Yehovha.
Ku kambela leswi hi nga swi djondza
I mpsini swi nga ku pfunaka ku yampsisa leswi u wu vonisaka xiswona ntirho?
Hi mhaka muni swi li swinene ku tsaka hi minchumu leyi hi nga na yona?
U nga swi kombisa ku yini swaku wa swi tshemba swaku Yehovha wa va hlayisa vanhu va yena?
LOKO U LAVA KU TIVA SWIN’WANA
Ku nga va swaku Bibele li vula swaku ku va ni male swi bihile?
“Xana Mali I Sathana?” (Nhlokomhaka leyi nga ka site la jw.org hi Xitsonga)
Djondza swaku u nga yi tirhisisa ku yini male ya wena hi ndlela leyi yi tsakisaka Xikwembu.
“Bibele Yi Ri Yini Hi Ku Hanana?” (Nhlokomhaka leyi nga ka site la jw.org hi Xitsonga)
Ku nga va swaku ku tha majogu ya ku ganya male i ku hungata ntsena?
“Langutelo Ra Bibele—Ku Gembula” (Khindlimuka! wa Março wa 2015 hi Xitsonga)
Vona leswi nga yentxa wanuna mun’wana a nyima ku tha majogu ya ku ganya male ni ku yiva.
“A Ndzi Wu Rhandza Ngopfu Mujaho Wa Tihanci” (Murindzi wa 1 ka Novembro wa 2011)