DJONDZO 28

Khensa Leswi Yehovha Na Yesu Va Nga Ku Yentxela Swona

La Ku Imprimiriwa

U titwisa ku yini loko munghanu wa wena a ku nyika nchumu xa ku xonga? I ntiyiso swaku wa tsaka, naswona u lava ku mu komba swaku wa mu khensa hi leswi a nga ku nyika swona. Yehovha na Yesu va hi nyike nchumu wa lisima hintamu ku tlula hinkwaswu, ku nga nkutsulu. Hi nga swi kombisa ndjani swaku ha yi khensa nyiko leyi ya nkutsulu?

1. Hi nga yentxa yini swaku hi khensa Yehovha na Yesu hi leswi va nga hi yentxela swona?

Bibele li tshembisa “swaku lweyi a pfumelaka ka [Yesu]” a ta kuma wutomi la ku kala li nga heli. (Yohani 3:16) Hi nga swi yentxisa ku yini leswo? Hi fanele hi yentxa swin’wana, ku nga li ku va ni lipfumelo ka Yesu ntsena kambe hi fanele hi li kombisa hi leswi hi swi langaka ni leswi hi swi yentxaka. (Yakobo 2:17) Loko hi kombisa lipfumelo hi leswi hi swi yentxaka ni leswi hi swi vulavulaka, hi tiyisa wunghanu la hina na Yesu ni Papayi wa yena Yehovha. — Lerha Yohani 14:21.

2. Hi wini ntlhanganu wa lisima lowu hi pfunaka ku khensa leswi Yehovha na Yesu va nga hi yentxela swona?

Ka wusiku la wugamu na Yesu a nge se fa a byele valandzeli va yena leswi va nga swi yentxaka swaku va kombisa ku khensa lifu la yena. A va byele swaku a va fanele va yentxa ntlhanganu wa lisima lowu Bibele li wu vitanaka “Xilalelo xa Hosi,” ku nga ntlhanganu lowu tiviwaka tanihi Xitsundzuxu xa lifu la Kreste. (1 Vakorinto 11:20) Yesu a a lava swaku vapostolo ni Vakreste hinkwavu va ntiyiso lava a va ta hanya loko se a file va khumbuka swaku a nyikele wutomi la yena hi mhaka ya hina. Hi mhaka leyo, Yesu a vule leswi: “Tshamelani ku yentxa leswi leswaku mi ni khumbuka.” (Luka 22:19) Loko u ya ka Xitsundzuxu u kombisa swaku wa li khensa lirhandzu leli Yehovha na Yesu va nga na lona hi hina.

DJONDZA SWIN’WANA

Vona tindlela tin’wana ta ku kombisa ku khensa lirhandzu leli Yehovha na Yesu va nga hi komba lona. Vona swaku hi mhaka muni Xitsundzuxu xa lifu la Kreste xi li xa lisima.

3. Leswi hi nga swi yentxaka swaku hi khensa

Tipimisi na wo mbombomela ka mati ku gama ku ta munhu a ta ku humesa, indje a wu ta swi khohlwa leswi munhu lweyo a nga ku yentxela swona kumbe a wu ta lava ku mu khensa hi leswi a nga swi yentxa?

Hi ni ntshembo wa ku hanya wutomi la ku kala li nga heli hi mhaka ya lirhandzu la Yehovha. Lerhani 1 Yohani 4:8-10, mi gama mi bula hi swivutiso leswi landzelaka:

Hi mhaka muni lifu la Yesu ku li nyiko ya lisima?
U titwisa ku yini hi leswi Yehovha na Yesu va nga ku yentxela swona?

Hi nga swi kombisisa ku yini swaku ha swi khensa leswi Yehovha na Yesu va nga hi yentxela swona? Lerhani 2 Vakorinto 5:15 na 1 Yohani 4:11; 5:3. Loko mi gama ku lerha ndzimana ha yin’we bulani hi xivutiso lexi landzelaka:

Hi ku ya hi ndzimana leyi hi nga ku kombisisa ku yini ku khensa?

4. Tekelela Yesu

Ndlela yin’wana ya ku kombisa ku khensa i ku tekelela Yesu. Lerhani 1 Pedru 2:21, mi gama mi bula hi xivutiso lexi landzelaka:

U nga swi kombisisa ku yini ka wutomi la wena swaku u tekelela Yesu?

Yesu na a lerha Rito la Xikwembu ka buku leli songiwaka. — Yesu a a li rhandza Rito la Xikwembu, a a chumayela mahungu ya ku tsakisa a tlhela a pfuna vanhu

Yesu na a vulavula ni wansati wa Musamariya ka xihlovo. — Yesu a a li rhandza Rito la Xikwembu, a a chumayela mahungu ya ku tsakisa a tlhela a pfuna vanhu

5. Yana ka Xitsundzuxu xa lifu la Yesu lembe ni lembe

Leswaku u tiva leswi nga yentxeka ka Xilalelo xa Hosi xa ku sungula, lerhani Luka 22:14, 19, 20. Mi gama mi bula hi swivutiso leswi landzelaka:

I mpsini swi nga yentxeka ka Xilalelo xa Hosi?
A pawu ni vhinyu swi fanekisela yini? — Vona tindzimana 19 na 20.

Yesu a a lava swaku valandzeli va yena va va kona ka Xilalelo xa Hosi lembe ni lembe hi siku leli yena a nga xi yentxa hi lona na a nge se fa. Hi mhaka leyo, Timboni ta Yehovha ta tlhangana lembe ni lembe swaku ti khumbuka lifu la Yesu hilani yena a nga vula hikona. Swaku u djondza hi ntlhanganu lowu wa lisima, sixtirani VHIDIYO. Mi gama mi bula hi xivutiso lexi landzelaka.

VHIDIYO: Khumbuka Lifu la Yesu (1:41)

Mufoto lowu nga susiwa ka vhidiyo leli nge ‘Khumbuka Lifu la Yesu.’ Timboni ta Yehovha leti nga tlhangana swaku ti yendla Xilalelo xa Hosi.

Ku yentxeka yini ka Xitsundzuxu xa lifu la Yesu?

Pratu leli nga ni mapawu ya ku kala ma nga na fermentu ni kopo ya vhinyu.

A pawu ni vhinyu i minchumu ya ku fanekisela. A pawu li fanekisela muzimba wa Yesu wa ku kala xidjoho lowu a nga wu nyikela hi mhaka ya hina. A vhinyu li fanekisela ngati ya yena

Ku hundzisiwa vhinyu ka Xilalelo xa Hosi.

VAN’WANA VA LI: “Leswaku u ponisiwa swo lava ntsena kuva u kholwa ka Yesu.”

U nga li tirhisisa ku yini buku la Yohani 3:16 na Yakobo 2:17 kuva u kombisa swaku ku laveka swin’wana?

LESWI HI NGA SWI DJONDZA

Hi kombisa ku khensa leswi Yesu a nga hi yentxela swona hi ku kombisa lipfumelo ka yena ni ku va kona ka ntlhanganu wa Xitsundzuxu xa lifu la yena.

Ku kambela leswi hi nga swi djondza

Swi vula yini ku kombisa lipfumelo ka Yesu?
U navela ku swi kombisisa ku yini swaku wa swi khensa leswi Yehovha na Yesu va nga ku yentxela swona?
Hi mhaka muni swi li swa lisima ku va kona ka Xitsundzuxu xa lifu la Yesu?

Ni hete djondzo leyi hi diya:

Zama ku yentxa leswi

Yana ka Xitsundzuxu xa lifu la Yesu lexi nga ta landzela. Vutisa lweyi a ku djondzisaka Bibele swaku xi ta va hi siku muni u tlhela u tsala ka ndhawu swaku u khumbuka.

Swin’wana:

Swin’wana leswi u nga swi fikelelaka

LOKO U LAVA KU TIVA SWIN’WANA

Leswi Yesu a nga hi fela hi navela ku yentxa yini?

A Tirhise Muzimba Wa Yena Swaku A Dzunisa Yehovha (9:28)

Djondza swin’wana hi lipfumelo ni swaku u nga li kombisisa ku yini.

“Kombisa Ripfumelo Eka Switshembiso Swa Yehovha” (Murindzi wa Outubro wa 2016 hi Xitsonga)

Ka xiperiyensiya lexi nge: “Ni Titwa Ni Basile Ni Tlhela Ni Tsaka,” vona swaku wansati mun’wana a khumbekise ku yini nkama a nga djondza hi lifu la Yesu.

“Bibele Yi Hundzula Vutomi Bya Vanhu” (Murindzi wa 1 ka Agosto wa 2011 hi Xitsonga)

Vona swaku hi mhaka muni ku li vanhu va vatsongo va dlaka pawu va tlhela va phuza vhinyu hi siku la Xitsundzuxu.

“Hikwalaho Ka Yini Timbhoni Ta Yehovha Ti Nga Endli Xilalelo Xa Hosi Ku Fana Ni Tikereke Tin’wana?” (Nhlokomhaka leyi nga ka site la jw.org hi Xitsonga)