Kampanya La Xipesiyali La Novembro La Ku Vulavula Hi Mfumu Wa Xikwembu

Yesu a chumayele mahungu ya ku tsakisa ya “Mfumu wa Xikwembu”. (Lk 4:43) A tlhele a byela vanhu swaku va khongela va kombela swaku Mfumu lowu wu ta. (Mt 6:9, 10) Hi Novembro hi ta va ni kampanya la xipesiyali leli nga ta vulavula hi Mfumu wa Xikwembu. (Mt 24:14) Zama ku tilunghiselela swoswi swaku u ta va kona ka kampanya leli. Hinkwavu lava nga ta va vapfuli va ndlela va ku pfunisa, va nga ha langa ku tirha 30 kumbe 50 wa mawora ka wheti leyi ya Novembro.

Zama ku vulavula ni vanhu va vanyingi ka teritoriyu la wena, u va komba ndzimana leyi vulavulaka hi Mfumu wa Xikwembu. Langa ndzimana u tlhela u kambela swaku lava u lavaka ku va komba ndzimana leyo va le ka wukhongeli muni. Loko u kuma munhu lweyi a tsakelaka mu nyike revhixta la Murindzi la N.° 2 la 2020, u gama u hantla u mu yendzela swaku mi ta sungula ku djondza Bibele xikan’we hi ku tirhisa Mabuku ya Hina. Ku yo sala nkama wa wutsongo swaku Mfumu wa Xikwembu wu helisa mimfumu hinkwayu leyi lwisanaka na wona. (Dn 2:44; 1Ko 15:24, 25) Hi mhaka leyo, yentxa hinkwaswu leswi u nga swi kotaka ka kampanya leli swaku u kombisa swaku wa mu rhandza Yehovha ni Mfumu wa yena.