Tiveki Ka Xiyimu Xa Lweyi U Mu Chumayelaka

I Mpsini Leswi Yesu A Nga Swi Yendla?

VHIDIYO: Yesu A Xi Twela Wusiwana Xitshungu

1. Sixtira VHIDIYO, kumbe u lerha Marka 6:30-34. U gama u hlamula swivutiso leswi landzelaka:

1. Hi mhaka muni Yesu ni vapostolo va yena a va lava ku ya “lomu a ku nga na vanhu”?

2. I mpsini leswi nga yendla swaku Yesu a djondzisa xitshungu?

Hi Djondza Yini Ka Leswi Yesu A Nga Swi Yendla?

2. Loko hi tiveka ka xiyimu xa vanhu van’wani swi yendla swaku hi va ni mhaka na vona, hi nga lavi ku va chumayela mahungu ya ku tsakisa ntsena.

Tekelela Xikombiso Xa Yesu

3. Yingisela kahle. Pfumelela lweyi u vulavulaka na yena swaku a tiphofula. U nga mu tsemerhisi loko a vulavula. Kombisa swaku u ni mhaka ni leswi swi mu karhataka, leswi a titwisaka xiswona ni mavonelo ya yena. Loko u yingisela kahle u kombisa swaku u ni mhaka na yena, funtshi u swi nyika lisima leswi a swi pimisaka.

4. Pimisa hi lweyi u bulaka na yena. Loko u bula ni munhu tivutisi:

1. ‘Hi mhaka muni swi laveka swaku a djondza ntiyiso?’

2. ‘Ku djondza Bibele swi nga mu pfunisa ku yini ka wutomi la yena naswona swi nga mu pfunisa ku yini ku va ni wutomi lalinene ka nkama lowu taka?’

5. Bula na yena hi leswi nga mu pfunaka. Na mabulu ya n’wina ma nga se ya kule, mu kombi leswi djondzo ya Bibele yi nga swi hlamulisaka xiswona swivutiso swa yena yi tlhela yi mu pfuna ka wutomi la yena.