Tatá Diosïri pʼíchpirichaksï úsïndi ambe enga sesika

Enga jucha jatsijka pʼíchpirini ma, enga jucha jukaparharajka ka janhanharhini, jucha uékasïnga májkuenini eska ima. Biblia uandasïndi, «Jeobá ambakitisti ka jurhimbitini» (Salmo 25:8). Para Tatá Diosïri pʼíchpirini, jucha jatsiska para jurhimbiti ka ambakiti kʼuiripueni. Biblia uandasïndi: «Terukukunta je Diosïni komueska imeri uájpecha enga ima xani uéajka, ka jáma je uékperakua jingoni» (Efesu 5:1, 2). Ju je exeani máru eranhikuechani, néna jucha uá Tatá Jeobáni eranhikua pʼitani:

Jarhuatani máterhuechani. «Jaue sesi úkuani iáminduechani.» (Galasia 6:10.)

Jindéni sesi ánchikuarhiricheni. «Ima enga sïpatspiamga, ásterhu sïpatspie, sino ánchikuarhie imeri jájkichani jimbo iámindu ambe enga sesika.» (Efesu 4:28.)

Pimbinhasï jatsini juchari anhanhatakuani ka juchari jánguani. «Jaue pimbinhasïntani para iámindu indeni no sesi jasï ambe jingoni enga kuerpu újka ka enga mintsita tamapu eratsijka, paraksï sesi jimbo pimbinhasïni Diosïni janhanharhiparhini.» (2 Korintu 7:1.)

Uékperakua ka janhanharhikua jingoni exeani juchari kʼumanchikuarhu anapuechani. «Uea je chári uarhiitichani komueska chájkumindu na uékakuarijka. Ka istu uarhiiticha janhanharhiaueksï tsʼïmeri achaatichani. Sapiicha, janhanharhia je chari tátichani.» (Efesu 5:33–6:1.)

Uékani materhuechani. «Jaue uékperani, jimboka uékperakua Diosïni jimboeska.» (1 Juanu 4:7.)

Kurhajchani juramutichani. «Janhanharhia je tsʼïmani engaksï juramukua jatsika, [...] Meiamunta je iáminduechani ambe engajtsï kánguani jaka. Imani engajtsï kánguni jaka kontribusioni, meiamu je.» (Roma 13:1, 7.)