Ju je xarhatani eska jucha Tatá Diosïni uékasïnga

Paraka nema méntkisï jindeuaka juchari pʼíchpirini, jucha jatsiska para uandontskuarhini imani jingoni. Jucha kurhangukusïnga, ka imajtujtsïni kurhanguchesïndi. Istu jucha sesi uandasïnga imeri ambe máterhuechani jingoni. Ka májkuenisti Tatá Diosïni jingoni. Ju je exeni Bibliani para mítini néna uni ini ambe.

Méntkisï kómarhikuareni Tatá Jeobáni. «Méntku jauena je kómarhini Diosïni.» (Roma 12:12.)

Arhintani Bibliani enga Tatá Diosïri karakateka. «Iámindu Diosïri karakata, Diosïni jimboesti ka marhuasïndi para jorhentpeni, para jánhastpini, ka para arhistatspini ka para mítetarpini na enga jindeka para jurhimbitku jámani.» (2 Timoteo 3:16.)

Jorhendani máterhuechani Tatá Diosïri ambe. «Isï jimbo ni je jorhendani iámindu kʼuiripuechani, [...] ka jorhendani eskaksï patsaka iámindu ambe engaksïni ji juramuchika.» (Mateu 28:19, 20.)

Andareraani Tatá Diosïri pʼíchpirichani. «Ima enga jámani jaka kʼuiripu mímisïtichani jingoni, mímisïti úkuarhiati.» (Proverbios 13:20.)

Ni je imani kʼumanchikuani jimbo engaksï tánguarhijka imecha engaksï Jeobéri ambe uandantajka. «Ka jaue jirhinhatsperantani modu nani engaksï na uáka jarhoajperani paraksï uni uékperani ka ambakiti ambe uni, [...] uinhaperperantani jarhani máteru ka máteruni jingoni.» (Ukuecha 10:24, 25.)

Íntspeni para jarhoajpeni ánchikuarita Juramukueri. «Jimajkani íntspi je mándani arhini eskajtsï na eratsikata jatsiaka chári mintsitecharhu, no pʼamondakuarhiparhini ka nijtu komosiekaksïni nema uinhamarhichipiringa, jimboka Diosï imanisï tsípijka exeni enga tsípikua jingoni íntspijka.» (2 Korintu 9:7.)