Kuájpiasïngachi erachicha engaksï indijeneka paraksï úni marhuakuni Tata Diosïni

Latinoamérica uánikua kʼuiripuechaksï irekasti ka jarhastiksï máru engaksï iretecha jimbo irekajka engaksï jatsika imeecheri idioma ka ístu imeecheri pʼindekuechani. Uánikua erachichaksï irekasti imani iretecha jimbo, para jarhuatani iámindu indeni ireta sapirhatichani míteni Bibliani, Jeobaeri testiguechachi tradusirisïnga ka etsakuani publikasionichani jukari 130 idioma Latinoamérica anapuechani.a Joperu uánikua erachicha nájkirukaksï jukaparharajka imeecheri kultura uandanhiatecha jatsiasïndi jimbokaksï marhuakusïnga Jeobani ka nóksï uaantasïndi pʼindekuechani engaksï no terokuntajka imani ambe jingoni enga Biblia jorhentpijka. ¿Nénachi úraskia sentabu enga íntspinhajka para jarhuataani?

Jarhuataskachi imeo kʼuanhatsentani

Iretarhu ma enga uicholi uandanhajka, jini Jalisco anapu juátecharhu (México), erachichaksï janhanharhikua jingoni no uékasti partisiparini imani úkuecha engaksï relijonicha uénga ka engaksï no terukuntajka imani ambe jingoni enga Biblia jorhentpijka.b Ka jimboka i ambe kánikua ikiataspka máru kʼuiripuechani engaksï indeni ireta jimbo irekaka, 4 de disiembri de 2017, máru kʼuiripuechaksï engaksï kánikua ikiani japka atasptiksï máru Jeobaeri testiguechani ka máteru kʼuiripuechani engaksï imeecha jingoni japka. I kʼuiripuecha engaksï xáni no sési kámpienga petaatantasptiksï Testiguechani iretarhu uératini, xereantasptiksï imeecheri kʼumanchikuechani ka arhisptiksï eskaksï uándikupiringa né uéjkini enga ménderu kʼuanhatsentapiringa.

Jeobaeri testiguecha engaksï imani iretecha jimbo irekaka engaksï jima no iauani jaka, íntsaasptiksï erachichani iámindu ambe engaksï uétarhincheenga. ¿Joperu ambeksï úpirini úni paraksï kʼuanhatsentani imeecho? Ma erachi enga Agustín arhinhajka, uandasïndi: “Nóchi jatsispka sentabu parachi kontratarini abogadu ma ka ístuchi no mítespka nani nirani parajtsïni jarhuataani legalesiri ambe jingoni”.

Jimbokaksï erachicha nóteru intsïnhaspkia sésikua paraksï Tata Diosï Jeobani marhuakuni, Beteli Centroamérica anapu sóntku íntsaaspti jarhuajperata juchaari erachichani. Orhetaksï arhiaspti jima anapu juramutichani eskaksï exepiringa ambe engaksï no sési niátapka erachichani. Tátsekua Grupu enga Jarhuajperata Íntspijka ima Grupueri enga Orhejtsïkuajka iámindu kúnguarhikuechani Jeobaeri testiguecheri, sési exesti eska Grupu enga Legalesiri ambe Exejka Beteli Estados Unidos anapu, ánchikuarhipiringa Beteli Centroamérica anapu jingoni ka eskaksï demanda ma úpiringa paraksï jarhuataani juchaari erachichani engaksï ucholika. Ka tiempu jingoni i ambe niáraspti Suprema Corte de Justicia de la Nación, tribunalirhu enga sánderu juramukua jatsika México.

Grupu ma abogaduecheri úspti sïranda ma nani enga uandaenga eskaksï ísï komu eska máteru kʼuiripuecha jatsispka para janhanharhini imani ireta sapirhaticharhu anapu kultura, i iretechaksï jatsisti para janhanharhiani ka kuájchakuani iámindu kʼuiripuechani jima anapuechani. Uánikua kʼuiripuechaksï nani uéjki anapueni sésikua jatsistiksï paraksï úni máru ambe.

Jurhiatikua 8 de juliu de 2020, Suprema Corte de Justicia apoiarispti Jeobaeri testiguechani ka juramuspti eska jiárhitanhapiringa paraksï kʼuanhatsentani iretarhu iámindu imeechani engaksï petaatantapka. Agustín engachi uénakuarhu uandaka, uandasïndi i ambe iáminduechani jimbo: “Kánikuachi tsípisïnga ka diosmaiamukuachi íntskuntasïnga erachichani iámindu ambe jimbo engaksï úka juchantsïni jimbo. Nóchi míteska ambe engachi úkuarhinchapiringa engajtsïni no jarhuatapiringa”.

“Uánikua ambe namunituechani jimbo”

Jini Ecuadori májkueni ambeksï úkuarhinchaspti erachicha San Juan de Ilumán anapuecha, enga baie de Otavalo jaka nani engaksï uánikua ireta indijenecha jaka. Uéxurhini 2014 jimbo engaksï erachicha na sésikua intsïnhapkia para konstruirini, uénasptiksï úni Kʼumanchikua Reinueri ma. Joperu saserdoti ma páspti sienisï k’uiripuechani ka úspti eskaksï erachicha nóteru seguiripiringia indeni konstruksioni. Ístu ireta arhiaspti Jeobaeri testiguechani eskaksï nóteru úpiringia imeecheri tánguarhikuechani.

Grupu enga Legalesiri ambe Exejka Beteli Ecuador anapu ka Beteli Estados Unidos anapu májku k’ériksï ánchikuarhisti para kuájpini kúnguarhikuani ka paraksï jurajkunhani para kómarhini Tata Diosïni. I ambe asta tribunalicharhu niáraspti ka i ambe úspti eska ireta ísku jurajkuapiringa erachichani ka eskaksï jiárhitanhapiringa ménderu para tánguarhini ka kʼamaranksï úni Kʼumanchikua Reinueri. Joperu para kuájchakuni ambe engaksï erachicha sésikua jatsika para úni, juchaari abogaduechaksï kurhakuaspti tribunalichani eskaksï úpiringa ambe ma para sési péntani ambe ma enga kánikua jukaparhakueka, jatsipirindiksï para ireta indijenecha janhanharhini náki uéjki relijioni enga kʼuiripu ma jatsika.

Jurhiatikua16 de juliu de 2020, Corte Constitucional Ecuador anapu, enga jindeeka tribunali enga sánderu juramukua jatsika paisirhu, exespti ini ambe. Imeechani engaksï kuájpipka kúnguarhikuani jindeesptiksï erachicha Ecuador anapu engaksï abogadueka ka imeecha jingoni jarhasptiksï máteru tʼámu erachicha engaksï ístu abogadueka ka engaksï kánikua jorhenaka máteru i járhati ambe engaksï interu parhakpinirhu úkuarhijka. Pandemia COVID-19 jimbo, i tánguarhikua úkuarhispti bideokonferensia jimbo mámaru paisicharhu uératini. I jindeesti primeru xanhari enga tribunali jurajkujka eska abogaduecha engaksï kuájpijka Jeobaeri testiguechani ísï úkuarhiaka.c Abogaduechaksï arhiaspti eskaksï exespka máru leichani engaksï interu parhakpinirhu jaka ka engaksï xarhatajka eska kʼuiripu ma jatsiska sésikua para úni ambe ma nájkiruka iretarhu ma anapueuaka enga indijeneka.

Iásï juchaari erachicha engaksï baie de Otavalo anapueka erokuarhixatiksï ambe enga uandaaka Corte Constitutional. Ka kánikuaksï diosmaiamukua arhijpisïndi Imani jarhuajperata engaksï intsïnhaka. César orhejtsïkuti ma kúnguarhikuarhu Ilumán Quichua, uandasïndi: “Solu Tata Diosï Jeoba úraparini imeeri kúnguarhikuani úsïndi uánikua ambe úni namunituechani jimbo”.

Iámindu abogaduecha engaksï kuájpipka ka jarhuataani juchaari erachichani, Jeobaeri testiguechespti ka tsípikua jingonksï jarhuataspti no ma sentabu kurhakupariani. Peru paraksï úni kuájpiani tribunalirhu ma, imeechaksï jatsispti para prepararikuarhini ka uétarhispti tiempu ka sentabu. Juchaari abogaduecha ka máteru erachichaksï jukari 380 orisï uétarhinchapti paraksï exeni néna kuájpiani México anapuechani ka máteru 240 oraisï para tradusiriuani sïrandechani. Ka ístu 40 abogaduechaksï iámu parhakpinirhu anapuecha, úrastiksï uánikua orechani paraksï exeni néna kuájpiani Ecuador anapuechani. ¿Nanichi pʼiraski sentabu para úni kuájpiani juchaari erachichani? Imani donasionicha jimbo engajtsï íntspijka mámaru ambe úraparini enga donate.jw.org jimbo jaka. Diosmaiamu je jimbokajtsï xáni intsïmpitiska.