¿Miásïntsï?
¿Arhiantaskijtsï últimu rebistechani Aianhpiri? Exe je sintsï uaa mókuantani arini kurhamarhikuechani:
¿Ambe arhikuekasïni mójtakuni juchaari eratsekuani? (Rom. 12:2, TNM).
No solu uétarhisïndi eskachi máru ambejku sési uaaka. Sánderu sési, uétarhisïndi eskachi exekuarhiaka na engachi meru jásïika ka mójtakuni máru ambe juchaari irekuarhu parakachi kurhajchauaka Tata Diosï Jeobaeri juramukuechani xáni eskachi xáni uaaka (w23.01, pájina 8 ka 9).
¿Nénachi jatsiski para exeni imani ambe enga parhakpinirhu úkuarhini jaka?
Uékasïngachi míteni ambe enga xáni úkuarhini jaka parhakpinirhu ka na enga i ambe úni jaka eskaksï kumplirikuarhiaka Biblieri profesiecha. Nóchi uékasïnga imani ambe uandani engachi jucha eratsejka ka enga uaaka eska kúnguarhikua arhukurhiaka. Jatsiskachi para sési mítetini jarhani ambe enga Tata Diosïiri kúnguarhikua uandakia (1 Kor. 1:10) (w23.02, pájina 16).
¿Andisï no májkuenii Jesúsiiri bautismu imeeri chúxapatiicheeri jingoni?
Ima no jatsispti para aiakukuarheni Tata Diosï Jeobani ísï eska jucha. Jimboka ireta ma jimbo andajpenuspka enga aiakukuarhetini japkia Tata Diosïni. Ima no jatsispti para moántani pekaduecheeri (w23.03, pájina 5).
¿Ambechi uaa úni parakaksï ístu máteru erachiicha uaaka komentarini?
Engaksï juchaari komentariuecha no xáni kʼéaka ka ístuchi no méntku iámindu puntuechani uandaani, máteruechaksï uaati komentarini (w23.04, pájina 23).
¿Ambe arhikuekasïni “Xanharu Pímbinhasïkueri” enga Isaías 35:8 uandajka?
Para judiuecha arhikuekasïreendi ima xanharu enga Babilonia uératini nireenga para Israeli niárani. ¿Ka iásï ambe arhikuekasïni? Uánikua uéxurhini ante de 1919 jimbo, Tata Diosï Jeoba ueenasti sési jántskantani ini xanharuni, pori ejemplu ueenasptiksï imprimiriini Bibliani ka tradusirini. I “Xanharu Pímbinhasïkueri” úsïndi eskachi iásï uaaka kómarhini Tata Diosï Jeobani. Ístu uaati eskachi sánderu orhepani jatsiauaka kóntperateechani enga Tata Diosïiri Reinu juauaka (w23.05, pájina 15 a 19).
¿Náki tsimani uarhiitiichani uandasïni Proverbios kapitulu 9?
Proverbios uandasïndi uarhiitiiri enga no jánhaskatiika ka eska imeeri pʼímarperata Tumbarhu pájpesïnga. Joperu ístu uandasïndi uarhiitiiri enga jánhaskatiika enga arhikuekajka ‘ambakiti jánhaskakuani’ ka pʼímarpisïndi ini “xanharu jimbo [jámani] enga jánhaskakua jaka” (Prov. 9:1, 6, 13, 18) (w23.06, pájina 22 a 24).
¿Néna xarhatakuspi Tata Diosï Jeoba Lotini eska kaxumbitiiska ka eska kurhangutspisïnga?
Tata Diosï Jeoba arhispti Lotini eska uéakuntapiringa Sodoma ka juáteecharhisï nirani sïpakuarhini. Enga Loti mintsita jingoni kurhakupka eska jurajkupiringa Soári nirani, Tata Diosï jurajkuspti eska úpiringa ambe enga uékeenga (w23.07, pájina 21).
¿Ambejtsï uaa úni enga chaari acheeti pornografia exejka?
Asï eratsi je eska chaari kulpeeska. Sánderu sésiisti eskajtsï eratseaka na engajtsï pájperajka Tata Diosï Jeoba jingoni ka eratseantani Bibliarhu anapu relatuecha uarhiitiicheeri engaksï kánikua no sési nitamakuarhipka ka na enga Tata Diosï Jeoba sési pʼikuastaantapka. Uaakajtsï jarhuatani chaari acheetini para no ménderu ueenani imani ambe exeni (w23.08, pájina 14 a 17).
¿Nénajtsïni jarhuatasïni jánhaskakua sési mókukuntani nemani engajtsïni kurhamarhiaka ambe engachi jucha jakajkujka?
Uaakachi ísï exeni kurhamarhikuani komueska oportunidadi ma parachi míteni ambe enga uandanhiatajka kʼuiripuni. Inde ambejtsïni jarhuataati iátsitakuarhu mókukuntani ka no ikiaparini (w23.09, pájina 17).
¿Ambechi jorhenguarhisïni ambe enga úka María para uinhapikua jatsini?
Enga na mítepkia eska Mesíasiiri amambeepiringa, jurajkuspti eskaksï máteruecha jarhuatapiringa. Ánjeli Gabrieli ka Elisabetiksï jarhuataspti karakateecha jingoni. Juchantsïntujtsïni uaati uinhaperantani juchaari erachiicha (w23.10, pájina 15).
¿Nénajtsïni mókuchiantasïndi Tata Diosï Jeoba juchaari kómarhikuechani?
Aiachisïndijtsïni eska ima kurhauaka juchaari kómarhikuechani ka exesïndi eskaksï terukuntaaka imani ambe jingoni enga ima jaiapanhintajka (Jer. 29:12). Uaatijtsïni mámaru mókuchiantani juchaari kómarhikuechani ka méntkisïjtsïni jarhuataati (w23.11, pájina 21 ka 22).
Enga Roma 5:2 uandajkia erokuarhikueri ambe, ¿andisï ménderu bersikulu 4 jimbo uandajki?
Desde enga kʼuiripu ma kurhaajka ambakiti aianhperakueri ambe, erokuarhijti irekani paraisurhu ixú Echerirhu. Joperu enga jatsiajka uandanhiateechani ka orhepani uérakuani ka exeni eska Tata Diosï jaiapanhentasïnga, ima niárasïndi sánderu pʼikuarhenhini ka mintsikani imani erokuarhikuani (w23.12, pájina 12 ka 13).