Ju je imecha jingoni pájperani engaksï xénchaajka Jeobani

¿Andichisï jatsi para imecha jingoni pájperani engaksï xénchajka Jeobani? Imecha engachi jingoni pájperajka uátijtsïni jarhuatani parachi sési ambe úni o ístujtsïni uáti no sési ambe úrani (Pr 13:20). Por ejemplu, rei Jehoás úspti ambe enga jaiapanhentenga Jeoba jiánisï enga kʼéri saserdoti Jehoiadá jingoni pájperenga (2Cr 24:2). Enga Jehoiadá uarhipkia, Jehoás nóteru kurhajchasptia Jeobani jimboka uénaspka no ambarhati kʼuiripuecha jingoni pájperani (2Cr 24:17-19).

Primeru siglurhu, apostoli Pablu ísï terokutantaspti kúnguarhikuani komu “ma kʼéri kʼumanchikua” nani engaksï ‘uranicha’ jaka o tʼirekua atarakuecha. Uákachi para ambakiti ambe úrakueni engachi no pájperaska imecha jingoni engaksï imani ambe újka enga Jeoba no jaiapanhintajka nájkirukaksï kúnguarhikuarhu anapueuaka o juchari parienticha (2Ti 2:20, 21). Ísï jimbo, ju je seguirini jarhani sési pájperani imecha jingoni engaksï xénchajka Jeobani ka engajtsïni jarhuatajka parachi marhuakuni.

ENGAJTSÏ EXEAKIA BIDEUNI JU JE NO JÁMANI PÁJPERANI NO AMBARHATI KʼUIRIPUECHA JINGONI, MÓKUANTA JE ARINI KURHAMARHIKUECHANI:

• ¿Nénachi úpirini no kuenta íntskukuarhiparini imecha jingoni pájperani jarhani engaksï no ambarhati kʼuiripueka?

• ¿Ambe jarhuataaspi tanimu erachichani engaksï bideurhu xarharajka paraksï nóteru pájperania no ambarhati kʼuiripuecha jingoni?

• ¿Náki Bibliaeri karakatechajtsïni uá jarhuatani parachi sési erakuni né jingoni pájperani?