4 Puátsperantani

¿AMBE ARHIKUEKASÏNI?

Puátsperantani arhikuekasïndi no kasu úni ima ambeeri engachi úminhaaka ka eskachi no jámaaka jatanhetspini. I ambe no arhikuekasïndi eska inde ambe engachi úminhaka no kʼéri ambeeska o ísï úni enajki no ma ambe úkuarhi.

BIBLIERI KARAKATA: “Tekaatsperanta je ka puátsperantani enga nema jatsika arhijperakua máteruni jingoni” (Kolosasi 3:13).

“Engari xénchajka nemani, nóri imani ambe exesïnga enga no újka sési úni, sino na enga xáni jánguarhintajka para sési úni ambe ma” (Aaron).

¿ANDISÏ JUKAPARHAKUE?

Jatanhetspini uaati eskajtsï pʼamenchaaka ka no sési pʼikuarherani ka ístu eskajtsï nóteru sési pájperaakia temungurhiri.

“Ma xanharirini juchiiti acheeti kánikua no sési pʼikuastaspti ambe ma jimbo enga úpka ka arhisptirini eskani puákuntapiringa, nájkirukani kánikua úkua jukanchapka, puákuntaspka. Ambe engantkuni pʼamondakuarhijka, jindeesti eskani no sóntku ísï úpka. Engani sóntku ísï úpiringa, nóchi xáni ióni no sési japiringa temungurhiri” (Julia).

¿AMBEJTSÏ UAA ÚNI?

EXE JE NA ENGAJTSÏ JÁSÏIKA

Eratsi je arini ambe enga chaari uarhiiti o acheeti imani ambe uaaka engaksïni no sési pʼikuastaaka:

• ¿Sóntkujtsï no sési exesïni ambe ma?

• ¿Uétarhisïni eskaksïni arhiaka eskajtsï puákuntaaka ojtsï uaa nomasi mirikurhini?

IIRI AMBE UANDONTSKUARHI JE TEMUNGURHIRI

• ¿Na xánchi ióndasïni puátsperantani?

• ¿Ambechi uaa úni parachi sóntku puátsperantani?

KONSEJUECHA

• Engaksïni chaari uarhiiti o acheeti no sési pʼikuastaska, asï eratsi je eska uékani ísï úska.

• Kurhanguku je chaari uarhiitini o acheetini, miánta je eskachi “iáminduecha mámaru ambe jimbo pekadu úsïnga [o no sési ambe úni]” (Santiagu 3:2).

“Sánderu fásiliisïndi puátsperantani engachi tsimarhani kulpa jatsijka, joperu sánderu úkua jukasïndi enga májku kulpa jatsijka. Paraka nema puátspentaaka, jatsisti para kánikua kaxumbitiini” (Kimberly).

BIBLIERI KARAKATA: “Jánguarhinta sóntku sési peentani ambe ma” (Mateo 5:25, TNM).