7 Бөтен Исраил өстеннән Сөләйман 12 җитәкче билгеләде. Алар патшаны һәм аның йортын азык-төлек белән тәэмин итеп торды. Аларның һәрберсе моның өчен елына бер ай җаваплы иде.+

22 Сөләйманның сараендагыларның ашарына көненә 30 кор* иң яхшы он, 60 кор гади он китә иде, 23 моннан тыш 10 симертелгән үгез, көтүлектән китерелгән 20 үгез, 100 сарык, шулай ук боланнар, газәлләр, кыр кәҗәләре һәм симертелгән күкеләр суела иде.

4 Шеба патшабикәсе Сөләйманның бөтен зирәклеген+ һәм ул төзегән йортны күргәч,+ 5 шулай ук өстәлендәге ризыкларны,+ хезмәтчеләренең табын янында ничек утырганнарын, өстәл тирәсендә хезмәт күрсәтеп йөрүчеләренең хезмәтен һәм аларның өсләрендәге киемнәрен, шәрабчыларны һәм Сөләйманның Йәһвә йортында даими китергән яндыру корбаннарын күргәч, аның һушы китте.*

21 Сөләйман патшаның эчә торган бөтен савытлары алтыннан һәм «Ливан урманы» дип аталган йорттагы+ бөтен кирәк-яраклары саф алтыннан иде. Бер әйбер дә көмештән ясалмаган иде. Сөләйман көннәрендә алтын бик күп иде һәм көмеш бернигә дә тормый иде.+