6 Узия́ патша үлгән елны+ мин биек һәм мәһабәт тәхеттә утыручы Йәһвәне күрдем.+ Аның япанчасының итәкләре гыйбадәтханәне тутырган иде. 2 Әйләнәсендә серафимнар тора иде. Һәрберсенең алты канаты бар иде. Алар ике канаты белән битләрен, ике канаты белән аякларын каплаган иде һәм ике канаты белән оча иде.

3 Алар каты тавыш белән бер-берсенә:

«Гаскәрләр Иясе Йәһвә изге, изге, изге!+

Бөтен җир аның даны белән тулы»,— дия иде.

4 Аннары Йәһвәнең даны+ керубимнәрдән күтәрелеп, гыйбадәтханәнең бусагасына күчте, һәм гыйбадәтханә әкренләп болыт белән тулды.+ Шунда ишегалды Йәһвә данының яктылыгы белән тулды.