14 Йәһвә Мусага болай диде: «Бу хакта төргәккә язып куй, ул истәлек булсын һәм моны Йошуага да әйт: „Мин амаликлыларны җир йөзеннән* бөтенләй юк итәрмен, һәм аларны инде берәү дә искә алмас“».+

47 Шаул Исраил өстеннән идарәсен ныгытты һәм тирә-яктагы бар дошманнары белән: моаблылар,+ амунлылар,+ эдомлылар,+ Соба́+ патшалары һәм филистилеләр+ белән сугыш алып барды. Кая гына барса да, ул аларны җиңә иде. 48 Ул батырларча сугышты һәм, амаликлыларны буйсындырып,+ Исраилне илбасарлар кулыннан коткарды.

15 Шуннан соң Ишмуи́л Шаулга болай диде: «Йәһвә мине Исраи́л халкы өстеннән сине патша итеп майларга җибәргән иде.+ Хәзер Йәһвәнең әйткән сүзенә колак сал.+ 2 Гаскәрләр Иясе Йәһвә болай ди: „Исраил Мисырдан чыкканнан соң, амаликлылар аңа каршы торды. Моның өчен мин аларны җавапка тартырмын.+ 3 Хәзер бар, амаликлыларны кырып бетер.+ Үзләрен дә, бар булган нәрсәләрен дә юк ит.+ Аларны жәлләмә. Ир-атлар һәм хатын-кызларны, балалар һәм нарасыйларны, үгезләр һәм сарыкларны, дөяләр һәм ишәкләрне үтер“».+

42 Шимонлыларның кайберләре, 500 кеше, Ишинең уллары Фәлати́, Нәрә́й, Рифа́й һәм Узии́л җитәкчелегендә Сәгы́йр тавына+ китте. 43 Алар исән калган амаликлыларны кырып бетерде+ һәм әле дә шунда яши.