12 „Әмма 70 ел үткәч,+ мин Бабыл патшасын һәм шул халыкны гөнаһлары өчен җавапка тартырмын*+,— ди Йәһвә.— Мин калдайлылар җирен буш, ташландык җир итәрмен, һәм дәверләр буе шулай булыр.+

14 Мин сезгә үземне табарга мөмкинлек бирермен+,— дип әйтә Йәһвә.— Әсирлектә булган кешеләрегезне җыярмын, сезне үзем тараткан бар халыклардан һәм җирләрдән бергә җыярмын+,— ди Йәһвә.— Мин сезне сөргенгә җибәргәнчегә кадәр үзегез яшәгән җиргә кире кайтарырмын“.+

10 «Йәһвә болай ди: „Бу урында (ә сез аны кеше дә, мал да яшәми торган буш урын дип атарсыз) — Яһүд шәһәрләрендә һәм кешесез дә, яшәүчесез дә, малсыз да калган Иерусалим урамнарында — 11 тантаналы һәм шатлыклы тавышлар,+ кияү һәм кәләш тавышлары, шулай ук: „Гаскәрләр Иясе Йәһвәгә рәхмәтләр укыгыз, чөнки Йәһвә игелекле.+ Аның тугры мәхәббәте мәңгелек!“+ — дип әйтүчеләрнең тавышлары кабат ишетелер“.

„Алар Йәһвә йортына рәхмәт бүләкләре китерер,+ чөнки мин бу җирнең әсирләрен кире кайтарырмын, һәм барысы башта булган кебек булыр“,— ди Йәһвә».