14 Шунда Йәһвә миңа болай диде: «Пәйгамбәрләр минем исемем белән ялганны пәйгамбәрлек итә.+ Мин аларны җибәрмәдем, аларга бернәрсә дә кушмадым һәм әйтмәдем.+ Алар сезгә ялган күренешләрне, күрәзәлек кылып белгән буш нәрсәләрне һәм үз йөрәкләренең хәйләләрен пәйгамбәрлек итеп сөйли.+

15 Аннары Ирмия пәйгамбәр Хәнания+ пәйгамбәргә болай диде: «И Хәнания, тыңлачы! Йәһвә сине җибәрмәде, ә син бу халыкны ялганга ышандырдың.+ 16 Шуңа күрә Йәһвә болай ди: „Менә! Мин сине җир йөзеннән юк итәрмен, чөнки син халыкны Йәһвәгә каршы фетнәгә котырттың“».+

8 „Шуңа күрә Аллаһы Тәгалә Йәһвә болай ди: „Сез ялганны сөйләгәнгә һәм күренешләрегез ялган булганга, мин сезгә каршы чыгармын“,— дип әйтә Аллаһы Тәгалә Йәһвә“.+ 9 Мин кулымны күренешләре ялган булган һәм ялганны пәйгамбәрлек иткән пәйгамбәрләргә каршы күтәрермен.+ Алар үземә якын булган халык арасында да булмас, Исраил халкының исемлегенә дә кертелмәс, Исраил җиренә дә кире кайтмас. Шунда сез минем Аллаһы Тәгалә Йәһвә икәнемне белерсез.+