• Канун 12:5, 6
    Изге Язмалар. Яңа дөнья тәрҗемәсе (өйрәнү басмасы)

    • 5 Аллаһыгыз Йәһвә барлык кабиләләрегез арасында үз исемен урнаштырыр өчен һәм үзенә торыр өчен урын кайда сайласа, аңа табынырга шунда барыгыз.+ 6 Яндыру корбаннарыгызны,+ башка корбаннарыгызны, уннан бер өлешләрне,+ бүләкләрегезне,+ нәзер бүләкләрегезне, ирекле бүләкләрегезне,+ эре һәм вак терлекнең беренче балаларын+ шунда алып барыгыз.

  • Зәбур 122:башлангыч сүзе–9
    Изге Язмалар. Яңа дөнья тәрҗемәсе (өйрәнү басмасы)

    • Күтәрелү җыры. Давытның мәдхиясе.

      122 Кешеләр миңа: «Әйдә, Йәһвә йортына барыйк»,— дигәч,

      Мин бик сөендем.+

      2 Һәм хәзер без, и Иерусалим,

      Капкаларыңнан кереп, эчтә басып торабыз.+

      3 Иерусалим үзара беректереп салынган

      Бербөтен шәһәр итеп төзелгән.+

      4 Исраилгә бирелгән канун буенча,

      Аңа кабиләләр —

      Йәһ* кабиләләре күтәрелә,

      Йәһвә исеменә мактаулар белдерү өчен.+

      5 Анда хөкем тәхетләре+ —

      Давыт йортының тәхетләре урнаштырылган.+

      6 Иерусалим өчен тынычлык сорагыз.+

      И шәһәр, сине яратучылар исән-имин булсын иде.

      7 Ныгытылган диварларыңда — тынычлык,

      Ныгытылган манараларыңда иминлек хөкем сөрсен.

      8 Кардәшләрем һәм иптәшләрем хакына:

      «Синдә тынычлык булсын»,— диярмен.

      9 Аллаһыбыз Йәһвә йорты хакына+

      Сиңа яхшылык теләрмен.