Гыйбрәтле сүзләр
1 Исраи́л патшасы+ Давытның улы+ Сөләйманның+ гыйбрәтле сүзләре.
2 Бу гыйбрәтле сүзләр зирәклеккә өйрәнер өчен,+ тәрбия алыр өчен
Һәм тирән мәгънәле сүзләрне аңлар өчен,
3 Төшенүчән, тәкъва,+ гадел*+ һәм намуслы булырга
Ярдәм итүче өйрәтү алыр өчен,+
4 Тәҗрибәсез кешене алдын-артын уйларга+ өйрәтер өчен,
Яшьләргә белем һәм аң бирер+ өчен язылган.
5 Зирәк кеше тыңлар да күбрәк үгет-нәсыйхәт алыр,+
Аңлаучан кеше акыллы* җитәкчелек табар,+
6 Шулчак гыйбрәтле һәм хикмәтле сүзләрне,
Зирәкләрнең сүзләрен һәм аларның табышмакларын аңлар.+
7 Йәһвәгә карата курку-хөрмәт — белем башлангычы.+
Акылсызлар гына зирәклек белән тәрбияне санга сукмый.+
10 Улым, гөнаһ кылучылар сине аздырмакчы булса, бирешмә.+
11 Алар болай дияр: «Әйдә безнең белән.
Тозак корып, кан койыйк,
Гаепсез кешеләрне сагалап торыйк.
12 Аларны, Кабер* йоткандай, тере килеш йотыйк;
Гүргә баручыларны, гүр йоткандай, тулысынча йотып алыйк.
13 Аларның бөтен байлыгын алыйк.
Йортларыбызны табыш белән тутырырбыз.
Талаганыбызны бертигез бүләрбез».*
15 Улым, аларга иярмә.
Сукмакларына аяк басма.+
17 Кошның күз алдында тозак кору мәгънәсез.
18 Шуңа күрә алар кан түгәр өчен сагалап тора,
Җаннарны һәлак итәр өчен посып ята.
21 Ул тормыш кайнап торган урам чатларында кычкыра.
Шәһәр капкалары янында болай ди:+
22 «Әй тәҗрибәсезләр, кайчанга кадәр сез тәҗрибәсезлекне сөярсез?
Әй мыскыллап көлүчеләр, күпме инде мыскыллап көлүдән рәхәтлек табарга була?
Әй акылсызлар, кайчанга кадәр сез белемне нәфрәт итәрсез?+
23 Мин төзәткәндә, юлларыгызны үзгәртегез.+
Шулчак сезгә рухымны коярмын;
Сезгә сүзләремне җиткерермен.+
24 Чөнки мин кычкырдым, ә сезнең тыңлыйсыгыз килмәде,
Кулымны суздым, әмма һичкем игътибар итмәде,+
25 Бер киңәшемне дә санга сукмадыгыз,
Төзәтүләремне кире кактыгыз.
27 Сезгә давыл кебек дәһшәт,
Көчле җил кебек бәла килгәч,
Кайгы һәм газап өстегезгә ябырылгач, мин көләрмен.
28 Шул чакта алар мине чакырырлар, әмма мин җавап бирмәм,
Мине тырышып эзләрләр, әмма тапмаслар,+
29 Чөнки алар белемне нәфрәт иттеләр,+
Йәһвәгә карата курку-хөрмәт күрсәтәселәре килмәде.+
30 Алар киңәшләремне кире кактылар,
Төзәтүләремнең берсен дә санга сукмадылар.
32 Чөнки тәҗрибәсезләрне үз кирелеге һәлак итәр,
Акылсызларны үз гамьсезлеге кырып бетерер.