Зәбур

48 Аллаһыбыз шәһәрендә, аның изге тавында

Йәһвә бөек, ул иң зур мактауга лаек.

 2 Ерак төньяктагы Сио́н тавы,

Бөек Патшаның шәһәре+ —

Искиткеч матур һәм югары, бөтен җирнең шатлыгы.+

 3 Аның ныгытылган манараларында

Аллаһы үзенең ныклы сыеныч* икәнлеген күрсәтте.+

 4 Менә, патшалар җыелды,*

Алар бергәләшеп чыкты.

 6 Анда аларны тетрәнү,

Бала тудыручы хатынныкы күк газап биләп алды.

 8 Гаскәрләр Иясе Йәһвәнең шәһәрендә — Аллаһыбыз шәһәрендә

Без ишеткәнебезне хәзер үз күзләребез белән күрдек.

 9 И Аллаһы, синең гыйбадәтханәң эчендә

Без тугры мәхәббәтең турында уйланабыз.+

10 И Ходай, даның, исемең кебек үк,

Җир читләренә кадәр җитә.+

11 Хөкемнәреңнән Сион тавы+ шатлансын,

Яһүднең кечкенә шәһәрләре* сөенсен.+

12 Сион тирәли йөреп, аны әйләнеп чыгыгыз,

Аның манараларын санагыз.+

Киләчәк буыннарга сөйләр өчен,

Аның ныгытылган манараларын күзәтегез.