Гыйбрәтле сүзләр

3 Көчеңне хатыннарга сарыф итмә,+

Патшаларны һәлак итүче юлга басма.+

4 Шәраб эчү патшалар эше түгел ул, Лемуил,

Патшалар эше түгел,

Җитәкчеләргә: «Хәмерем кайда?» — дип әйтү килешми.+

5 Юкса эчеп, канунны онытулары

Һәм мескеннәрнең хокукларын бозулары бар.

6 Исерткеч эчемлекне — үлеп баручыларга,+

Шәрабны кайгыга батканнарга* бирегез.+

7 Алар эчеп, ярлы булуларын онытсыннар,

Газапларын бүтән искә төшермәсеннәр.

8 Өнсез кеше хакына сөйлә,

Үлем алдында торучыларның хокукларын якла.+

9 Ачык итеп сөйлә һәм гадел хөкем ит,

Мескеннең һәм ярлының хокукларын якла.+

10 Берәү яхшы* хатын таба алган икән,+

Андый хатын мәрҗәннәрдән* күпкә кыйммәтрәк.

11 Аның ире аңа чын күңелдән ышана

Һәм бернәрсәгә дә мохтаҗ түгел.

12 Андый хатын иренә гомере буе

Начарлык түгел, ә яхшылык кыла.

13 Ул йон белән җитен эзләп таба

Һәм үз куллары белән эшләргә ярата.+

14 Сәүдә кораблары кебек,+

Ул ризыгын ераклардан китерә.

Гаиләсе өчен ризык әзерли,

Хезмәтче кызларына да өлешләрен бирә.+

16 Кыр турында уйлап, аны сатып ала,

Үз тырышлыклары белән* йөзем бакчасы утырта.

17 Ул авыр эшкә әзерләнә,+

Куллары белән тырышып эшли.

18 Ул сәүдә эшенең табыш китергәнен күрә,

Яктырткычы төнлә дә сүнми.

19 Аның куллары кабага тартыла,

Ул орчык* ала.+

20 Ул мескеннәргә булыша,

Ярлыларга ярдәм кулы суза.+

21 Кышын ул гаиләсе өчен борчылмый,

Чөнки бөтен гаиләсе җылы киемгә киенгән.

22 Ул ятагына җәймәләр ясый.

Киемнәре җитеннән һәм кызгылт-шәмәхә йоннан ясалган.

23 Ирен шәһәр капкалары янында яхшы беләләр,+

Ул анда шул җирнең аксакаллары белән утыра.

24 Андый хатын җитен* киемнәр тегеп сата,

Сәүдәгәрләрне билбаулар белән тәэмин итеп тора.

25 Ул куәт белән данга киенгән,

Киләчәккә ышаныч белән карый.*

26 Аның авызыннан зирәк сүзләр чыга,+

Телендә игелек кануны.*

27 Ул йортындагы эшләрне күзәтә,

Ялкаулык икмәге ашамый.+

28 Балалары торып басып, аны бәхетле дип атый,

Ире дә басып, аны мактый:

29 «Яхшы* хатыннар күп булса да,

Син аларның һәммәсеннән өстен».

30 Ягымлылык алдаучан һәм матурлык вакытлыча гына* булырга мөмкин,+

Ә Йәһвәне тирән хөрмәт итүче хатын мактаулы булыр.+

31 Андый хатынга кылганнары өчен әҗерен бирегез,+

Аның эшләре шәһәр капкалары янында аны мактасын.+