Зәбур

Дирижер өчен: кыллы уен коралларында башкарыла. Давытның мәдхиясе.

61 И Аллаһым, ярдәм сорап аваз салуымны ишет.

Догама игътибарлы бул.+

2 Күңелем төшенке булганда,*

Җир читләреннән сиңа аваз салырмын.+

Мине биек кыяга алып мен.+

3 Син бит сыенычым минем,

Мине дошманнан яклаучы нык манара.+

4 Мин синең чатырыңда мәңге кунак булырмын,+

Канатларың ышыгында сыеныч табармын.+ (Села)

5 И Аллаһы, син биргән вәгъдәләремне ишеттең.

Исемеңне тирән хөрмәт итүчеләр мирасын бирдең.+

6 Син патшаның гомерен озайтырсың,+

Аның көннәре буыннан-буынга сузылыр.

7 Ул Аллаһы каршында мәңге тәхеттә утырачак.*+

Тугры мәхәббәтең һәм тугрылыгың аны яклап торсын.+

8 Вәгъдәләремне көн саен үти-үти,+

Синең исемеңә мәңге мәдхияләр җырлармын.*+