Зәбур

(Села)

Дирижер өчен. Кора́х улларының+ мәдхиясе. Җыр.

47 Барча халыклар, кул чабыгыз.

Кычкырып тантана итегез һәм Аллаһыны шатлык авазлары белән мактагыз.

2 Чөнки Аллаһы Тәгалә Йәһвә курку-хөрмәт уята,+

Ул — бөтен җир өстеннән бөек Патша.+

3 Ул халыкларны безгә буйсындыра,

Милләтләрне аяк астыбызга сала.+

4 Ул безгә мирасыбызны+ —

Үзе яраткан Ягъкубның горурлыгын сайлый.+ (Села)

5 Аллаһы — шатлыклы авазлар арасыннан,

Йәһвә быргы* тавышлары арасыннан күтәрелде.

6 Мәдхияләр җырлагыз* Аллаһыга, мәдхияләр җырлагыз.

Мәдхияләр җырлагыз Патшабызга, мәдхияләр җырлагыз.

7 Чөнки Аллаһы — бөтен җирнең Патшасы,+

Мәдхияләр җырлагыз, акыллылык белән эш итегез.

8 Аллаһы халыклар өстеннән Патша булды.+

Аллаһы үзенең изге тәхетендә утыра.

9 Ибраһим Аллаһысының халкы белән бергә

Халыкларның җитәкчеләре җыелды.

Чөнки җирдәге идарәчеләрнең* хуҗасы — Аллаһы.

Ул барысыннан да югары тора.+