Чаян

Чаяннарның 600 дән күбрәк төре бар. Аларның зурлыгы, төрләренә карап, якынча 2,5 см алып 20 см кадәр булырга мөмкин. Аларның якынча 10 төре Израиль һәм Сириядә очрый. Чаянның чагуы гадәттә кеше үлеменә китерми, шулай да берничә төр чаянның агуы күп кенә куркыныч чүл кара еланнарының агуыннан көчлерәк. Израильдә очраган чаяннарның иң агулысы монда күрсәтелгән сары чаян (Leiurus quinquestriatus). Чаянның чагуы китергән көчле авырту турында Ач 9:3, 5, 10 да әйтелә. Чаяннар Яһүдия чүлендә, шулай ук Синай ярымутравында һәм аның «куркыныч чүлендә» киң таралган булган (Кн 8:15).