Гәризим тавы

Бу видеороликта Гәризим тавы (1), Ягъкуб коесының гомум кабул ителгән урыны (2), анда Гайсә самарияле хатын белән сөйләшкән (Ях 4:6, 7), һәм Гибал тавы (3) күрсәтелә. Гәризим тавы Самария өлкәсенең уртасында урнашкан. Аның түбәсенең биеклеге Урта диңгез өсте тигезлегеннән 850 м артык. Бүгенге көндәге Наблус шәһәре бу таулар арасындагы уңдырышлы Шехем үзәнендә урнашкан. Самариялеләрнең гыйбадәтханәсе Гәризим тавында, бәлки, б. э. к. IV гасырда төзелгән, ләкин б. э. к. 128 елда җимерелгән булган. Күрәсең, самарияле хатын Гайсә Мәсихкә Гәризим тавы турында әйткән: «Безнең ата-бабаларыбыз бу тауда табынганнар. Сез исә, кешеләр Иерусалимда гына табынырга тиеш, дисез». Чын гыйбадәт кылу берәр урынга бәйле булмаганын күрсәтер өчен, Гайсә аңа болай дип җавап биргән: «Шундый вакыт якынлашып килә ки, сез Атага бу тауда да, Иерусалимда да табынмаячаксыз» (Ях 4:20, 21).