Тәүрат

Изге Язмаларның беренче биш китабы: Яратылыш, Чыгыш, Левилеләр, Саннар һәм Канун. Бу китапларны Муса язган булган.

Тәүратта барлыкка китерүдән алып, борынгы Исраил халкын оештыру һәм Мусаны алмаштырган Йошуаны халык җитәкчесе итеп билгеләүгә кадәрге вакыйгалар язылган. Аның шактый зур өлешен Исраилгә һәм левиле руханиларга бирелгән Аллаһының кануннары һәм күрсәтмәләре тәшкил итә. Бу китапларны Муса язганга, Аллаһы тарафыннан рухландырылган башка язучылар, шулай ук Гайсә Мәсих тә, Тәүратны «Муса кануны», «Муса кулъязмасы» я «Муса язмалары» дип атаганнар (Йш 8:31; Ез 6:18; Лк 24:27). Яһүдләр аны Канун дип атаган.

Тәүрат кешелекнең ничек барлыкка китерелгәненә һәм кешенең ничек гөнаһлы булып киткәненә ачыклык кертә. Андагы кануннар Йәһвәнең үз халкына карата яратуын ачыклап, аларны гөнаһны һәм аның нәтиҗәләрен юкка чыгарачак шәхескә — Гайсә Мәсихкә алып бара (Гл 3:24; Ев 10:1).