Гайсәнең тууыннан үлеменә кадәр

Мәрьям исемле гүзәл кыз янына Җәбраил фәрештә килә. Ул Мәрьямнең баласы туачак һәм ул патша булып мәңге идарә итәчәк дип хәбәр итә. Бу баланың исеме Гайсә, ул абзарда туа. Аны карарга дип көтүчеләр килә. Соңрак бер йолдыз бала янына көнчыгыштан кешеләрне алып килә. Кем аларга бу йолдызны күрергә сәләт биргән? Ничек Гайсәне үлемнән коткарып калганнар? Без моны соңрак белербез.

Шуннан соң без 12 яшьлек Гайсәнең укытучылар белән гыйбадәтханәдә сөйләшеп утырганын күрербез. 18 ел үткәч Гайсә суга чумдырылу үтә һәм Аллаһы кушкан эшне үти башлый: ул Патшалык турында вәгазьли. Аллаһы аны шуның өчен җиргә җибәргән була. Гайсә үзенә ярдәмче итеп 12 ир кешене сайлап ала һәм аларны үзенең рәсүлләре итә.

Гайсә шулай ук бик күп могҗизалар эшли. Ул меңләгән кешеләрне берничә икмәк кисәге һәм кечкенә балыклар белән тукландыра, ул авыруларны савыктыра һәм хәтта үлеләрне дә терелтә. Бу кисәкнең ахырында Гайсә тормышының соңгы көнендә нәрсә булганын һәм ничек аны үтергәннәрен белербез. Гайсә якынча өч ел ярым вәгазьли, шуңа күрә АЛТЫНЧЫ кисәк 34 елдан әз генә күбрәк вакытны үз эченә ала.