Сораулар рамкасы

◼ Регуляр рәвештә үткәрелгән гаилә өйрәнүе өчен вакытны әти дә, әни дә үз отчетларына яза алалармы?

Балаларны «Раббының үгет-нәсыйхәтләрен истә тотып, тәртипкә өйрәтү һәм тәрбияләү» өчен беренче чиратта әтиләр җаваплы булса да, әниләр дә тәрбияләүдә катнаша (Эфес. 6:4). Изге Язмаларда балалар өчен мондый киңәш бирелә: «Улым! Атаң нәсыйхәтен тыңла, анаң васыйәтен кире какма» (Гыйб. сүз. 1:8). Ата-аналар тәрбиясенең мөһим өлеше — гаилә белән Изге Язмаларны өйрәнү.

Элек суга чумдырылмаган балалар белән фикер алышуда әти белән әни катнашса да, гаилә өйрәнүен алып барган әти яки әни генә сәгатьне отчетка язып куя алган. Әмма бу үзгәртелде. Гаилә өйрәнүе дәвамында ата-ана икесе дә балаларны өйрәтүдә катнашса, алар икесе дә бу вакытны иң күбе — атнага бер сәгать вәгазь итеп отчетка яза ала. Әлбәттә, гадәттә әти-әниләр балаларын өйрәтүгә атнага бер сәгатьтән күбрәк вакыт багышлый. Балаларны тәрбияләү әти белән әнинең һәрвакыт тырышлык куюларын таләп итә (Кан. 6:6—9). Вәгазь турында ай саен бирелә торган отчетка күбесенчә вәгазьдә үткәрелгән вакытны кертергә кирәк. Шуңа күрә, өйрәнү бер сәгатьтән күбрәк дәвам ителсә дә, атнага берничә тапкыр үткәрелсә дә яки һәрбер бала белән аерым өйрәнү алып барылса да, отчетка атнага бер сәгать кенә язарга кирәк. Әти яки әни генә Изге Язмаларны гаилә белән өйрәнү өчен отчетын бирә ала һәм өйрәнү үткәрелгән һәр атнага бер генә кабат килү яза ала.