Изге Язмаларны оста итеп куллан
1. Ни өчен Изге Язмалар бик файдалы?
1 Аллаһының рухландырылган Сүзен оста итеп куллану безгә вәгазьләргә, хакыйкатьне аңлаешлы итеп өйрәтергә, шулай ук кешеләрнең ялган тәгълиматларын һәм гореф-гадәтләрен фаш итәргә ярдәм итә (2 Тим. 2:15; 1 Пет. 3:15).
2. Безгә шигырьләрне зуррак осталык белән табарга нәрсә ярдәм итәчәк?
2 Изге Язмалар белән яхшырак таныш. Берәр корал белән оста итеп эшләр өчен, аның белән яхшырак танышырга кирәк. Изге Язмаларны да башыннан ахырына кадәр укып чыксак, без Изге Язмалар хәбәрен яхшырак аңларбыз. Бу шулай ук шигырьләрне истә калдырырга һәм аларны җиңелрәк табарга ярдәм итәчәк. Изге Язмалар белән яхшырак танышкан саен, без башкаларга очраклы һәм участокларда вәгазьләгәндә, ашкыныбрак һәм кыюрак сөйләячәкбез (1 Тес. 1:5).
3, 4. a) Изге Язмалар белән ничек яхшырак танышып була? б) Изге Язмалар белән яхшырак танышыр өчен, сез тагын нәрсә эшлисез?
3 Җыелыш очрашуларында Изге Язмаларны ачып барырга өйрән. Шәхси өйрәнү үткәргәндә һәм җыелыш очрашуларына әзерләнгәндә, китерелгән Изге Язмалар шигырьләрен укы һәм аларның кулланылуы турында уйлан. Күпләр шуңа игътибар иткән: шигырьләрне компьютердан яки принтерда бастырылган битләрдән укуга караганда Изге Язмалардан укысак, соңрак вәгазьдә кирәк булганда, аларны табу җиңелрәк булачак (Яхъя 14:26).
4 Кайбер гаиләләр Изге Язмалар шигырьләрен ятлар өчен вакыт бүлеп куя. Алар карточканың бер ягына шигырьдәге сүзләрне, ә икенче ягына шигырьнең билгеләмәсен язып куялар. Алар чиратлап шигырьнең сүзләрен әйтә яки аның кайда язылганын искә төшерә. Кереш сүзләрне әйтергә һәм кешенең каршы сүзләренә яки соравына җавап бирергә әзерләнгәндә, Изге Язмаларны куллансак, осталыгыбыз үсәчәк.
5. Ни өчен без Изге Язмаларны оста итеп кулланырга телибез?
5 Изге Язмаларга тиң китап башка юк. Кешеләргә андагы язмалар гына «котылуга китерүче зирәклек бирә ала» (2 Тим. 3:15). Территориябездәге күп кеше Изге Язмалардагы кыйммәтле хәзинәләр белән таныш түгел, шуңа күрә безнең аларга Изге Язмаларның хакыйкатен күрсәтер өчен осталыгыбызны үстерергә яхшы сәбәбебез бар (Гыйб. сүз. 2:1—5).