Ватикан кодексы. Марк бәян иткән Яхшы хәбәрнең ахыры

Бу Ватикан кулъязмасы № 1209 б. э. IV гасырына карый; ул шулай ук Ватикан кодексы буларак билгеле. Галимнәр Ватикан кодексын Изге Язмаларның грек тексты өчен ышанычлы чыганакларның берсе дип саный. Фоторәсемдә Марк бәян иткән Яхшы хәбәрнең ахыры күрсәтелә. Бу кулъязмада Марк хәбәре бүгенге Изге Язмалардагы Марк 16:8 дәге сүзләр белән тәмамлана. Шундый ук әһәмияткә ия IV гасырга караган Синай кодексы буларак билгеле кулъязмада да Марк хәбәре шулай тәмамлана. (Мк 16:8 гә аңлатманы кара.) Бу кодекс, бәлки, Искәндәриядә (Мисыр) ясалган булгандыр. Төсен югалткан текст күчереп язучының, күрәсең, инде кулланылган пергаментка язганын күрсәтә. Шушы кодекс иң башта грек телендә язылган тулы Изге Язмаларны үз эченә алган һәм, мөгаен, якынча 820 биттән торган булган (аларның 759 ы гына сакланган). Яратылышның күпчелек өлеше, шулай ук Зәбур китабының бер өлеше, Еврейләргә 9:14—13:25 һәм тулысынча 1 һәм 2 Тимутигә, Титуска, Филимунга хатлар һәм Ачылыш китабы юк булган. Ватикан кодексы Римдагы Ватикан китапханәсендә (Италия) инде XV гасырдан бирле саклана.