Сөләйман колоннадасы

Бу 3D видеороликта Сөләйман колоннадасының нинди була алганы күрсәтелә. Сөләйман колоннадасы беренче гасыр гыйбадәтханәсендәге тышкы ишегалдының көнчыгыш ягында урнашкан түбәле киң галерея булган. Изге Язмаларда бу урын өч мәртәбә искә алына. Яхъяның сүзләре буенча, бер тапкыр Гайсә бу колоннада аша үткәндә, аны яһүдләр уратып алып, аңардан үзенең Мәсихме, юкмы икәнен әйтүен сораган (Ях 10:22—24). Соңрак, Петер тумыштан аксак кешене савыктыргач, гаҗәпләнгән халык Сөләйман колоннадасында Петерне моның турында тыңларга җыелган (Рс 3:1—7, 11). Ә беренче мәсихчеләр Сөләйман колоннадасында башкаларның күз алдында очрашканнар. (Рс 5:12, 13; сүзлектән «Сөләйман колоннадасы» кара.)