Тирәнлек үлчәү батыргычлары

Мондый батыргычлар (1) билгеле булган иң борынгы диңгез кораллары арасында булган. Батыргычларның формасы һәм зурлыгы төрле булган. Аларны бауга такканнар һәм корабтан диңгезгә ыргытканнар. Батыргыч диңгез төбенә төшеп җиткәч, моряклар бау ярдәмендә кораб корпусы астындагы суның тирәнлеген үлчәгән (2). Кайбер батыргычларның аскы өлешендә май катламы булган, һәм бу йомшак матдәгә диңгез төбендәге нәрсәләр, мәсәлән диңгез чуерташы һәм ком ябышкан. Батыргычны өскә күтәргәч, бу нәрсәләрне моряклар тикшерә алган. Тирәнлек үлчәү батыргычлары төрле материалдан ясалган булса да, гадәттә аларны кургаштан ясаганнар. Шуңа күрә Рс 27:28 дә «тирәнлекне үлчәү» һәм «үлчәү» дип тәрҗемә ителгән грек фигыле сүзгә-сүз «кургаш күтәрү» дигәнне аңлата.

1. Тирәнлек үлчәү батыргычы

2. Бау