Аллаһы хуплаган гыйбадәт

Үткән дәрестән белгәнебезчә, күпчелек кешеләрнең гыйбадәтен Аллаһы хупламый. Әмма без Барлыкка Китерүчебезне шатландырырлык итеп гыйбадәт кыла алабыз. Нинди гыйбадәтне, ягъни динне, ул хуплый? (Ягъкуб 1:27) Изге Язмалар нәрсәгә өйрәтә икәнен карап чыгыйк.

1. Безнең гыйбадәтебез нәрсәгә нигезләнергә тиеш?

Безгә Изге Язмалар өйрәткәнчә гыйбадәт кылырга кирәк. Гайсә Аллаһыга болай дигән: «Синең сүзең — хакыйкать» (Яхъя 17:17). Хакыйкатьне Аллаһының Сүзендә табып була. Ләкин кайбер диннәр аны санга сукмый. Алар хакыйкатьне кеше тәгълиматлары һәм гореф-гадәтләр белән алмаштыра. Әмма Йәһвә үз әмерен санга сукмаган кешеләрне хуп күрми. (Марк 7:9 укы.) Икенче яктан, без, Изге Язмалар буенча гыйбадәт кылганда һәм андагы киңәшләрне тотканда, аның йөрәген сөендерәбез.

2. Без Йәһвәгә ничек гыйбадәт кылырга тиеш?

Без Йәһвәгә җан-тән белән бирелгән булырга тиеш, чөнки ул безнең Барлыкка Китерүчебез (Ачылыш 4:11). Бу нәрсәне аңлата? Без аны яратырга һәм, бернинди пот я сурәт кулланмыйча, аңа гына гыйбадәт кылырга тиеш. (Ишагыя 42:8 укы.)

Безнең гыйбадәтебез «изге, Йәһвәгә яраклы» булырга тиеш (Римлыларга 12:1). Бу безгә аның әхлакый нормалары буенча яшәргә кирәк дигәнне аңлата. Мәсәлән, Йәһвәне яраткан кешеләр аның никахка кагылышлы нормаларын ярата һәм алар буенча яши. Шулай ук алар тәмәке тарту, наркотиклар куллану һәм исерткеч эчемлекләрне чамадан тыш күп эчү кебек начар гадәтләрдән сакланаa.

3. Ни өчен без Йәһвәгә башкалар белән гыйбадәт кылырга тиеш?

Һәр атна үтә торган очрашуларыбыз безгә «җыелышта... Йәһвәне мактарга» мөмкинлек бирә (Зәбур 111:1, 2). Мәсәлән, без Аллаһыны аңа җырлар җырлап мактыйбыз. (Зәбур 104:33 укы.) Йәһвә безне ярата һәм очрашуларның безгә мәңге шатланып яшәргә ярдәм итәчәген белә. Шуңа күрә ул безне очрашуларга килергә чакыра. Бергә җыелганда, без бер-беребезне ныгытабыз һәм рухландырабыз.

ТИРӘНРӘК КАЗЫГЫЗ

4. Без гыйбадәтебездә сурәтләр кулланырга тиеш түгел

ВИДЕОРОЛИК: «Аллаһыга табынганда, сурәтләр куллану дөресме?» (3:26)

• Борынгы заманда кайбер исраиллеләр Аллаһыга табынуда пот кулланганда, ул моңа ничек караган?

Кайбер кешеләр гыйбадәтләрендә сурәтләр кулланып, Аллаһыга якынрак булырга тырыша. Ләкин чынлыкта алар Аллаһыдан читләшә түгелме? Чыгыш 20:4—6 һәм Зәбур 106:35, 36 ны укыгыз һәм җавап бирегез:

• Кешеләр үз гыйбадәтләрендә нинди әйберләр һәм сурәтләр куллана?

• Йәһвә сурәтләр куллануга ничек карый?

• Гыйбадәттә сурәтләр куллану турында сез нәрсә уйлыйсыз?

5. Йәһвәгә генә гыйбадәт кылу безне дини ялганнан һәм хорафатлардан азат итә

ВИДЕОРОЛИК: «Хакыйкать мине азат итте» (5:16)

Зәбур 91:14 не укыгыз һәм җавап бирегез:

• Йәһвәне яратып, аңа гына гыйбадәт кылган кешеләргә ул нәрсә вәгъдә итә?

6. Без Аллаһыга җыелыш очрашуларында гыйбадәт кылабыз

Очрашуларыбызда җырлар җырлап һәм комментарийлар биреп, без Йәһвәне мактыйбыз һәм бер-беребезне ныгытабыз. Зәбур 22:22 не укыгыз һәм җавап бирегез:

• Очрашуда башкалар комментарийлар биргәндә, бу сезгә ошыймы?

• Сез берәр комментарий әзерләргә теләр идегезме?

7. Өйрәнгәннәребезне башкаларга сөйләгәндә, Йәһвә шатлана

Изге Язмалардан белгәннәребезне башкалар белән уртаклашыр өчен төрле мөмкинлекләр бар. Зәбур 9:1 һәм 34:1 не укыгыз һәм җавап бирегез:

• Изге Язмалардан белгән нинди хакыйкатьне сез берәрсенә сөйләргә теләр идегез?

ЙОМГАКЛАУ

Без Барлыкка Китерүчебезгә генә гыйбадәт кылганда, аны җыелыш очрашуларында мактаганда һәм белгәннәребезне башкаларга сөйләгәндә, аны сөендерәбез.

Кабатлау

• Гыйбадәтебез нәрсәгә нигезләнергә тиеш? Аңлатыгыз.

• Ни өчен без Йәһвәгә генә гыйбадәт кылырга тиеш?

• Ни өчен без Аллаһыга яраклы булырга теләгән кешеләр белән бергә гыйбадәт кылырга тиеш?

ӨСТӘМӘ МАТЕРИАЛ

«Мин бүтән потларга табынмыйм» дигән мәкаләдән бер хатын-кызның потларга табынудан ничек арынганын укыгыз.

«Изге Язмалар тормышны үзгәртә» (Мәкаләләр 2011)

Сезгә җыелыш очрашуларында комментарийлар бирергә нәрсә ярдәм итә ала икәне турында белегез.

«Йәһвәне җыелышта данлагыз» («Күзәтү манарасы» 2019 ел, гыйнвар)

Бер яшь кешегә җыелыш очрашуларына йөрү авыр бирелсә дә, аларның аңа нинди файда китергәнен белегез.

«Йәһвә минем хакта кайгырта» (3:07)

Күпләр хачны христиан диненең символы дип саный. Ләкин без аны гыйбадәтебездә кулланырга тиешме?

«Сез хачка табынасызмы?» (Интернет мәкалә)