БРОШЮРА ТЕМАСЫ: | ШАЙТАН ЧЫННАН ДА БАРМЫ?
Шайтан чыннан да бармы?
Шайтанны бозылган фәрештә итеп сурәтли торган скульптура (Мадрид, Испания)l
«Бала чагымда Эль-Сальвадорда яшәгәндә, әниемне тыңламаган чакта, ул: „Шайтан, килеп, сине алып китәчәк!“ — дип әйтә иде. Мин: „Килсен!“ — дип җавап бирә идем. Мин Аллаһыга ышана идем, ә Иблискә — юк» (РОХЕЛИО).
Сез яшь Рохелио белән ризамы? Сезнеңчә, аста китерелгән карашларның кайсысы дөрес?
Чынында Шайтан юк; ул — явызлыкның символы гына.
Шайтан бар, ләкин ул кешеләргә яманлык эшләми.
Шайтан — көчле рухи зат; ул бөтен кешелеккә зур йогынты ясый.
Теге я бу карашта миллионлаган кеше тора. Ләкин нинди караш дөрес икәнлеген билгеләү мөһимме? Әйе, чөнки Шайтан булмаса, аның барлыгына ышанган кешеләр ялгыша. Әгәр булса, ләкин кешеләргә яманлык эшләмәсә, кешеләр аңардан юкка гына курка. Әмма Шайтан, кешеләрне алдап, алар белән җитәкчелек итсә, шул чакта ул күпкә куркынычрак булып чыга.
Әйдәгез, Аллаһы Сүзендә мондый сорауларга нинди җавап бирелә икәнен карап чыгыйк: Шайтан — явызлыкның символы гынамы я рухи затмы? Шайтан рухи зат булса, ул сезгә зыян китерә аламы? Китерә алса, сез үзегезне ничек яклый аласыз?