Безгә хезмәтебездә сабыр булырга кирәк
1. Йәһвә кешелеккә карата үз сабырлыгын ничек күрсәтә?
1 Аллаһы кешелеккә карата зур сабырлык күрсәтә (Чыг. 34:6; Мәд. 105:41—45; 2 Пет. 3:9). Аның яратуы һәм сабырлы булуы аеруча Патшалык турындагы бөтендөнья вәгазь эшендә күренә. 2000 ел дәвамында диярлек Йәһвә кешеләргә карата сабырлык күрсәтә һәм әле дә эчкерсез кешеләрне үзенә җәлеп итә (Яхъя 6:44). Без үз хезмәтебездә Йәһвәнең сабырлыгын ничек чагылдыра алабыз?
2. Территориябездә вәгазьләгәндә, без сабырлык ничек күрсәтә алабыз?
2 Өйдән-өйгә вәгазьләү. Әлегә хакыйкать белән кызыксынмаган кешеләргә вәгазьләр өчен кат-кат килеп, без Йәһвәнең сабырлыгын чагылдырабыз (Рәс. 5:42). Хезмәтебездә без каршылыкларга, ваемсызлыкка һәм мыскыл итүгә түзәбез (Марк 13:12, 13). Кызыксынучы кешенең өйдә сирәк булуына карамастан аның йөрәгендәге хакыйкать орлыгына су сибүебезне дәвам итеп, без шулай ук сабырлык күрсәтәбез.
3. Ни өчен безгә, кешеләргә кабат килеп киткәндә һәм Изге Язмалар өйрәнүләрен үткәргәндә, сабыр булырга кирәк?
3 Изге Язмалар өйрәнүләре. Берәр үсемлекне үстерер өчен сабыр булырга кирәк. Без аны үстерә алабыз, ләкин аның үсешен тизләтә алмыйбыз (Ягък. 5:7). Кызыксынучыларның рухи үсеше турында да шуны ук әйтеп була. Алар рухи яктан әкренләп үсә (Марк 4:28). Кызыксынучы кешеләргә ялган дини тәгълиматларны я Изге Язмаларга нигезләнмәгән йолаларны калдыру авыр булырга мөмкин. Шуңа күрә безгә аларны үз тормышларын үзгәртергә ашыктырып аларның рухи үсешен тизләтергә ярамый. Аллаһы рухы кызыксынучы кешенең йөрәгенә тәэсир итсен өчен, җитәрлек вакыт кирәк. Шуның өчен безгә сабыр булу мөһим (1 Көр. 3:6, 7).
4. Сабырлык күрсәтеп, без Йәһвәгә ышанмаучы туганнарыбызга уңышлы итеп ничек вәгазьли алабыз?
4 Йәһвәгә ышанмаучы туганнар. Йәһвәгә ышанмаучы туганнарыбызның хакыйкатьне белүләрен бик теләсәк тә, без аларга иманыбыз турында уңайлы вакытта гына сөйләрбез һәм чамадан тыш күп мәгълүмат бирмәбез. Шулай итеп без сабырлык күрсәтербез (Вәг. 3:1, 7). Ә әлегә, сүзләребезне эшләребез белән раслыйк, шулай ук иманыбызны юашлык һәм ихтирам белән күрсәтергә әзер булыйк (1 Пет. 3:1, 15). Чыннан да, хезмәтебездә сабырлык күрсәтсәк, вәгазьләвебез күбрәк уңышлар китерәчәк һәм күктәге Атабызны шатландырачак.