Хезмәтеңне киңәйтү юллары турында инде хәзер уйлан
1. Кичә алдыннан һәм аннан соңгы вакытында безнең нинди мөмкинлегебез бар һәм без аны ничек куллана алабыз?
1 Ел саен Кичә алдыннан безнең Йәһвәне «кычкырып данларга» мөмкинлегебез бар (Мәд. 108:30). Син йолым биргән Аллаһыга рәхмәтеңне белдерергә теләр идеңме? Моның өчен бер мөмкинлек — март аенда хезмәтеңне киңәйтү. Хезмәтеңне киңәйтү юллары турында инде хәзер уйланып була (Гыйб. сүз. 21:5).
2. Үткән елдагы ярдәмче пионер булып хезмәт итүгә кагылышлы яңалык сине һәм башкаларны нәрсәгә дәртләндерде?
2 Ярдәмче пионер булып хезмәт итү. Үткән елны апрель аенда ярдәмче пионер булып хезмәт итәргә теләгән вәгазьчеләрнең вәгазьләү сәгатьләре киметелгән булган. Бу яңалык кардәшләрне бик дулкынландырган! Бер абый-кардәш болай дип язган: «Мин әле мәктәптә укыйм һәм гомуми пионер булып хезмәт итә алмыйм. Апрельдә мин 30 сәгатькә язарга җыенам, әмма барыбер 50 сәгать вәгазьләргә тырышырмын». Сигез сәгать эшләгән бер апа-кардәш: «Утыз сәгать — мин бит аны булдыра алырмын!»,— дип язган. Элек пионер булып хезмәт иткән 80 яшьлек бер апа-кардәш бу яңалыкны ишеткәннән соң болай дип әйткән: «Мин бу мизгелне көтә идем! Тормышымда пионер булып хезмәт итү иң яхшы вакыт иде! Йәһвә шуны белгән». Башка кардәшләрнең пионер булып хезмәт итәргә мөмкинлекләре булмаган булса да, алар күбрәк вәгазьләргә тырышкан.
3. Март, апрель һәм май айларында ярдәмче пионер булып хезмәт итәр өчен, нинди сәбәпләр бар?
3 Бу елны да март аенда ярдәмче пионер булып хезмәт итәргә теләгән вәгазьчеләр өчен искиткеч мөмкинлек булачак: алар 30 я 50 сәгать вәгазьли алачак. Шулай ук, без 17 мартта, шимбә көнне башланачак һәм Кичәгә кадәр барачак махсус кампаниядә катнаша алырбыз. Бу вакытта без кешеләрне 5 апрельдә булачак Мәсихнең үлемен искә алу кичәсенә чакырачакбыз. Күпләр мартта ярдәмче пионер булып хезмәт иткәннән соң, апрель һәм май айларында 50 сәгать вәгазьләп ярдәмче пионер булып хезмәт итәргә тели.
4. Без хезмәтебезне ничек киңәйтә алабыз, һәм бу нинди җимешләр китерәчәк?
4 Гаиләдәгеләрегезнең һәрберсе Кичә алдыннан һәм аннан соңгы вакытында күбрәк вәгазьләр өчен нәрсә эшли ала? Моны киләсе Гаилә белән гыйбадәт кылу киче вакытында фикер алышсагыз, яхшы булыр иде (Гыйб. сүз. 15:22). Йәһвәдән үзеңнең тырышлыкларыңны фатихалавын сора (1 Яхъя 3:22). Хезмәтеңне киңәйтеп, син Йәһвәне тагы да күбрәк данлаячаксың һәм күбрәк шатлык алачаксың (2 Көр. 9:6).