«Аллаһының искиткеч иҗади эшләре аңа дан китерә»
Күп кешеләр барлыкка китерелгәнне күзәтергә ярата. Әмма кайбер кешеләр генә барлыкка китерелгән нәрсәләр Бөек Барлыкка Китерүчебезнең фикерләрен һәм хисләрен ачыклый икәнен белә (Рим. 1:20). Күп еллар элек Давыт патша Йәһвә турында аның рухландырылган Сүзеннән белем алган. Ул шулай ук барлыкка китерелгән нәрсәләргә «караган» һәм шулай итеп Аллаһыга якынлашкан (Мәд. 8:4, 5). «Аллаһының искиткеч иҗади эшләре аңа дан китерә» дигән DVD фильм безгә, балаларыбызга һәм Изге Язмаларны өйрәнүчеләребезгә Йәһвәнең кайбер барлыкка китерелгән нәрсәләре белән яхшырак танышырга, Бөек Барлыкка Китерүчебезнең сыйфатларын белергә, һәм нәтиҗәдә аңа якынлашырга ярдәм итә. Фильмны карагач, аста китерелгән сорауларга җавап бирергә тырышыгыз.
1) Галәмдә булган тәртип һәм Галәмнең зурлыгы сезне Йәһвәгә тагы да рәхмәтле булырга ничек дәртләндерә? (Ишаг. 40:26) 2) Су турында күбрәк белем алган саен, Аллаһы турында нәрсә белеп була? (Ачыл. 14:7) 3) Җирнең зурлыгы һәм аның Кояштан ераклыгы турында белү ничек Йәһвәнең акыллылыгын ачыклый? 4) Ай нинди максат белән барлыкка китерелгән булган? (Мәд. 88:38) 5) Йәһвә кешеләрне алар тормыштан шатлык тапсын өчен ничек барлыкка китергән? 6) Нәрсә ул ДНК? (Мәд. 138:16) 7) Кешеләр Йәһвә җирдә барлыкка китергән бар затлардан нәрсә белән аерылып тора? (Ярат. 1:26) 8) Яңа дөнья турында уйлаганда син нәрсәне түземсезлек белән көтәсең?
Өстәмә мәгълүмат: 9) Төсләр ничек барлыкка килә? 10) Ничек су агач башына барып җитәр өчен авырлык көчен җиңә? 11) Су тән өчен никадәр мөһим? 12) Тереклек арасында булган гармония мисалларын китерегез. 13) Барлыкка китерелгән нәрсәләр үзара хезмәттәшлек итә. Аларны моңа кем өйрәткән? 14) Нәрсә ул «алтын почмак» һәм ничек ул барлыкка китерелгән нәрсәләрдә күренә?
Йәһвә барлыкка китерелгән нәрсәләргә «карагыз»: Гайсә безне «кошларга карарга» һәм «кыр чәчәкләренә карарга» дәртләндергән (Мат. 6:26, 28). Шулай эшләсәк, иманыбыз ныгыр һәм Барлыкка Китерүчебезгә ышанычыбыз үсәр. Шулай ук без Йәһвәнең акыллылыгы, коткаручы көче һәм яратуы өчен рәхмәтлерәк булып китәбез. Бу дөньяның эшләренә бирелү урынына, әйдәгез, Йәһвәнең барлыкка китерелгән нәрсәләренә карар өчен вакыт табарга тырышыйк һәм алар Аллаһыбыз хакында нәрсә ачыклый икәне турында уйланыйк (Мәд. 18:1).