◼ Конгресс расписаниясе. Конгресска сәгать 8:00 дән кереп булачак. Программа һәр көн 9:20 дә музыка белән башланачак. Шул вакытта безгә, тәртипне саклар өчен һәм башкаларга хөрмәт күрсәтер өчен, үз урыннарыбызга утырырга кирәк. Җомга һәм шимбә көнне программа — 16:55 тә, ә якшәмбе көнне 15:50 дә тәмамланачак.
◼ Халыкара конгресслар. Кайбер илләрдә халыкара конгресслар үтәчәк. Шуны истә тоту мөһим: филиаллар утыру урыннарының, автомобиль кую урыннарының һәм кунакханә номерларының барысына җитәрлек булуын кайгыртканга, үз илләреннән кайбер җыелышларны гына һәм башка илләрдән кайбер делегатларны гына чакырганнар. Әгәр дә кардәшләр конгресска чакыру алмый торып килсә, урыннар барысына да җитмәскә мөмкин. Берәр сәбәп аркасында үз конгрессыңа түгел, ә башка берәр конгресска барырга туры килсә, халыкара конгресска барма.
◼ Автомобиль кую урыннары. Конгресс үтәчәк урыннарда, мөмкин булса, автомобиль кую түләүсез урыннары әзерләнәчәк. Килү белән машинаны буш урынга куй. Инвалидларга бүлеп куелган урыннарга махсус знаклы машиналарны гына кую рөхсәт ителә. Автомобиль кую урыннары әз, шуңа күрә берничә кардәш берләшеп, мөмкин булса, бер машинада килсә яхшырак булыр.
◼ Урыннар. Конгресс үтәчәк бинаның ишекләре иртә белән ачылгач, имандашларың белән ярышкандай урын алырга йөгермә. Фидакарьлек рухы безне башкаларны кайгыртырга этәрә, андый рух мәсихчеләргә генә хас. Аны күрсәтсәк, кешеләр Аллаһыны данлый башлар (Яхъя 13:34, 35; 1 Көр. 13:4, 5; 1 Пет. 2:12). Урыннарны машинада бергә килгән яки бергә яшәгән кешеләр өчен яисә Изге Язмалар өйрәнүчеләрең өчен генә алып була. Олы яшьтәгеләргә һәм инвалидларга бүлеп куелган урыннар әз. Алар белән бергә үзләрен карый торган бер-ике кеше генә утыра ала.
◼ Төшке аш. Тәнәфес вакытында конгресстан китәр урынына, ризыкны үзең белән алып кил. Кирәк булса, урындык астына куярлык кечкенә сумка-холодильник ал. Табигатьтә ял итү өчен зур сумка-холодильникларны һәм пыяла савытларны конгресска алып килергә ярамый.
◼ Ирекле иганәләр. Конгрессны оештыру өчен рәхмәтебезне без бөтендөнья эшенә конгресста ирекле иганәләр биреп белдерә алабыз.
◼ Дарулар. Врачның кушуы буенча берәр дару эчсәң, аны үзең белән ал. Конгресста дарулар бирелми. Инсулин шприцлары һәм энәләре — куркыныч тудырырлык чүп. Аларны конгрессның һәм кунакханәнең чүп чиләкләренә ташларга ярамый.
◼ Куркынычсызлык чаралары. Таеп я абынып егылмас өчен саграк йөр. Һәр ел аяк киеме, аеруча биек үкчәле аяк киеме аркасында күп кешеләр җәрәхәтләнә. Баскычтан, рәшәткәле идәннән һәм башка урыннардан йөрерлек пөхтә, таман гына аяк киемен кию яхшырак булыр.
◼ Балалар коляскалары һәм җыелмалы урындыклар. Балалар коляскалары һәм җыелмалы урындыкларны конгресска алып килергә ярамый. Әмма ата-аналар балалар өчен урындыклар алып килә ала; шул урындыкларны алар үз урындыкларына беркетеп куя ала.
◼ Парфюмерия. Күп кенә өлкә конгресслары ясалма вентиляцияле ябык биналарда үткәрелә. Шуңа күрә күбрәк үзебезне түгел, ә башкаларны яратканга, каты исле парфюмерияне әзрәк кулланыйк. Югыйсә, сулыш алу органнары авыруыннан я моңа охшаш башка авырулардан интеккән кешеләрнең сәламәтлеге зыян күрер (1 Көр. 10:24).
◼ «Бу кешегә килеп китче» (S-43) дигән бланк. Конгресс вакытында очраклы вәгазьләгәндә безгә һәрбер кызыксынган кеше турында «Бу кешегә килеп китче» дигән бланкны тутырырга кирәк. Тутырган бланкларны басмалар бүлегенә яки конгресстан кайткач җыелыш сәркатибенә бирергә кирәк.
◼ Кафе һәм ресторан. Кафеда яисә ресторанда үз тәртибең белән Йәһвәнең исемен данла. Кием-килбәтеңнән мәсихче булуың күренеп торсын. Чәйлек калдыру урынлы булса, аны калдыр.
◼ Кунакханә.
Сиңа күпме кирәк, шулкадәр генә бүлмәгә заказ бир; бер бүлмәдә күпме кешегә яшәргә рөхсәт ителә, шулкадәр генә яшәсен.
Номердан, көтелмәгән хәл килеп чыкса гына, баш тарт. Моның турында кунакханәгә шунда ук хәбәр ит. Ул чакта шул номерда башкалар яши алыр (Мат. 5:37). Номердан баш тартканыңны теркәп куйсыннар. Кунакханәдә яши башлаганга кадәр 48 сәгатьтән кимрәк вакыт калганда номердан баш тартасың икән, сиңа акчаны кире кайтармаячаклар.
Кунакханәдә регистрация үткәндә, дебет я кредит картасын куллансаң, шуңа игътибар ит: кунакханә эшчеләре номер өчен чыгымнарыңны каплар өчен я берәр зыян булса аны каплар өчен, картаңнан билгеле күләмдәге акчаны вакытлыча үзендә калдыра. Синең китүеңнән соң берничә көн дәвамында кунакханә белән расчет ясамасаң, син картаңдагы шул акча белән куллана алмаячаксың.
Багаж арбасын әйберләреңне төяр алдыннан гына куллан, аннан соң аны тиз арада урынына кайтар. Шулчак аны башкалар да куллана алыр.
Урынлы булса, әйберләреңне ташый торган я бүлмәңне җыештыра торган кунакханә эшчеләренә чәйлек калдыр.
Ризыкны тиешле урыннарда гына әзерлә.
Кунакханәдә яшәгән кешеләргә бушлай бирелә торган ризыкны, мәсәлән иртәнге аш, кофе яки бозны, күп алырга тырышма; иртәнге ашны конгресска алма.
Кунакханә эшчеләре белән сөйләшкәндә, һәрвакыт изге рух җимешен күрсәт. Алар күп кунаклар турында кайгырта, шуңа күрә синең игелекле, түземле һәм әдәпле булуың өчен рәхмәтле булачак.
Ата-аналар кунакханәдә, мәсәлән, лифтта, бассейнда, вестибюльдә, тренажер залында һәм башка урыннарда булганда, һәрвакыт балаларын карап торырга тиеш.
«Тәкъдим ителгән тору урыннары исемлеге»ндә бүлмәнең бер көнлек хакы китерелә. Синнән син кулланмаган һәм сорамаган нәрсәләр өчен акча сорасалар, түләмә һәм мөмкин кадәр тизрәк фатирлар бүлегенә мөрәҗәгать ит.
Номер белән берәр проблема туса, шунда ук фатирлар бүлегенә мөрәҗәгать ит.
◼ Ирекле хезмәт. Ярдәм итәргә теләгән һәр кеше конгрессның ирекле хезмәтчеләр бүлегенә барып языла ала. Балалар да үз өлешен кертә ала. Моның өчен аларны атасы, анасы, опекуны я башка берәр олы кеше күзәтеп торырга тиеш. Ул кешене атасы, анасы я опекуны билгели.