Вәгазь сыйфатын яхшыртабыз. Һәр кешегә аерым игътибар күрсәтәбез
Ни өчен бу мөһим? Гайсә өчен һәрбер кеше мөһим булган, ул һәрберсенә аерым игътибар күрсәткән. Бер тапкыр саңгырау кешенең башкалар алдында уңайсызланганын абайлагач, ул аны авыз ачып карап торучы халыктан читкәрәк алып киткән дә, икәү калгач кына савыктырган (Марк 7:31—35). Гайсә үз шәкертләрен дә кайгырткан: ул аларның мөмкинлекләренең чикле булуын белгән һәм аларга чамадан тыш күп белем бирмәгән (Яхъя 16:12). Күккә менгәч тә, Гайсә һәр кешегә аерым игътибар күрсәтүен дәвам итә (2 Тим. 4:17). Без — Гайсәнең шәкертләре, безнең аңардан үрнәк аласыбыз килә (1 Пет. 2:21; 1 Яхъя 3:16, 18). Моннан тыш, безнең хезмәттә дә уңышка ирешәсебез килә. Шуңа күрә һәр кешене кайгыртыйк. Кеше ничек яши, нәрсә белән кызыксына, аны нәрсә борчый? Бу сорауларга җавап табарга тырышыйк. Безнең максатыбыз яхшы хәбәрне җиткерү һәм берәр басманы калдыру түгел, ә һәр кешегә аерым игътибар күрсәтү булсын. Шулай эшләсәк, кеше безне теләбрәк тыңлар.
Бу айда болай эшләп кара:
Гаилә белән гыйбадәт кылу вакытында яисә хезмәттә репетицияләр үткәр. Берәрегез — вәгазьче, ә икенчесе йорт хуҗасы булсын. Йорт хуҗасы берәр нәрсә әйткәч, үз кереш сүзеңне үзгәрт.
Вәгазь очрашулары вакытында җаваплы кардәш вакыт-вакыт кешегә ничек аерым игътибар биреп булганын сөйләсен яисә демонстрация әзерләсен.