МӘСИХЧЕ ТОРМЫШЫБЫЗ

Күңел ачу сайлаганда зирәк бул

Ни өчен безгә күңел ачу сайлаганда зирәклек кирәк? Чөнки фильм, музыка, сайт, китап я видеоуен сайлаганда, без башыбызны нәрсә белән тутырырга икәнен сайлыйбыз. Сайлавыбыз эшләребезгә тәэсир итә. Кызганычка каршы, күп кенә бүгенге күңел ачулар Йәһвә хөкем иткән нәрсәләрне үз эченә ала (Зб 11:5; Гл 5:19—21). Шуңа күрә Изге Язмалар безне Йәһвәгә дан китерә торган нәрсәләр турында уйланырга дәртләндерә (Фп 4:8).

«НИНДИ КҮҢЕЛ АЧУНЫ САЙЛАРГА?» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

Борынгы Римдагы гладиатор уеннарының бүгенге кайбер күңел ачулар белән нинди охшашлыгы бар?
Җыелыштагы кардәшләр яшьләргә күңел ачуларны сайлауда зирәк булырга ничек ярдәм итә ала?
Римлыларга 12:9 дагы принцип күңел ачуларны дөрес сайларга ничек булыша?
Сез яшәгән җирдә нинди файдалы күңел ачу төрләре бар?

АКТИВ Я ПАССИВ КҮҢЕЛ АЧУНЫ САЙЛАРГАМЫ?

Бүген киң таралган күңел ачулар пассив рәвештә ял итәргә дәртләндерә. Китаплар, фильмнар һәм телетапшырулар күбесенчә башка кешеләрнең идеяләрен тәкъдим итә. Шул вакытны син үзең берәр нәрсә уйлап чыгаруга куллана алыр идең. Әлбәттә, пассив рәвештә ял итү һәрвакыт начар дип әйтеп булмый, ләкин актив күңел ачулар гадәттә күбрәк файда китерә. Әйтик, кайберәүләргә музыкаль коралда уйнау я рәсем төшерү ошый. Башкалар саф һавада ял итәргә, мәсәлән спорт белән шөгыльләнергә, тауларга менәргә я походка чыгарга ярата. Нинди генә ял итү төрен сайласагыз да, «һәммәсен дә Аллаһы даны өчен эшләгез» (1Кр 10:31).