Яшьләр, «игелекле эшләргә ашкынып торыгыз»

Рәсүл Паул үзенең Титуска юллаган хатында яшь ир-атлар, шул исәптән Титус, «игелекле эшләрдә һәр яктан үрнәк булырга» тиеш дип язган (Тит 2:6, 7). Шул ук бүлектә язылганча, Йәһвә халкы, «игелекле эшләргә ашкынып торсын» өчен, сафландырылган булган (Тит 2:14). Андый игелекле эшләрнең берсе — Аллаһы Патшалыгы турында вәгазьләп өйрәтү. Син, яшь булсаң, үз көчеңне ярдәмче пионер я пионер булып хезмәт итәр өчен куллана аласыңмы? (Гс 20:29)

Пионер булып хезмәт итәргә теләсәң, моның өчен эшләреңне планлаштыр (Лк 14:28—30). Мәсәлән, тулы вакытлы хезмәттә катнашканда, син үзеңне ничек тәэмин итәрсең? Ничек сәгать нормасын үтәрсең? Йәһвәдән ярдәм сора (Зб 37:5). Үз планнарың турында әти-әниең я уңышлы пионерлар белән сөйләш. Аннары, максатыңа ирешер өчен, адымнар яса. Һичшиксез, Йәһвә синең хезмәттә куйган тырышлыкларыңны фатихалаячак!

«ЯШЬЛӘР ЙӘҺВӘНЕ ДАНЛЫЙ» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Кайберәүләргә пионер хезмәтен башларга нәрсә комачаулаган, ләкин аларга бу авырлыкларны җиңәргә нәрсә булышкан?

• Ата-аналар үз балаларына пионер хезмәтен башларга ничек ярдәм итә ала?

• Ни өчен вәгазьләү графигы төзү мөһим?

• Җыелыш әгъзалары пионерларны ничек дәртләндерә һәм аларга ничек булыша ала?

• Пионерлар нинди фатихаларга ия?