Йәһвә чисталыкны ярата

«Куларыңны ю. Бүлмәңне җыештыр. Савыт-сабаны ю. Чүпне чыгар...»,— диеп, күп ата-аналар үз балаларын чисталыкка өйрәтә. Чынында исә, чисталык принципларының чыганагы — изге Аллаһыбыз (Чг 30:18—20; Кн 23:14; 2Кр 7:1). Тәнебезне һәм әйберләребезне чиста килеш тотып, без Йәһвәне данлыйбыз (1Пт 1:14—16). Өебез белән ишегалдыбыз турында нәрсә әйтеп була? Күп кеше теләсә кайда чүп ташлап, урамнарны һәм паркларны пычрата. Мәсихчеләр исә, җир-йортыбызны чиста тотар өчен, кулыннан килгәннең барысын эшли (Зб 115:16; Ач 11:18). Хәтта кечкенә нәрсәдә дә безнең чисталыкка карата карашыбыз күренә. Әйтик, кәнфит кәгазен, сагыз, буш шешә я пакетны без кая ташлыйбыз? Без тормышыбызның һәр өлкәсендә дә «үзебезне Аллаһы хезмәтчеләре итеп тотарга» тырышабыз (2Кр 6:3, 4).

«АЛЛАҺЫ ЧИСТАЛЫКНЫ ЯРАТА» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Кайберәүләр чисталык тотмаганнарын ничек аклый?

• Муса Канунында Йәһвәнең чисталыкка карата карашы ничек чагыла?

• Без Йәһвәне сүзсез ничек данлый алабыз?