Күзәтү манарасының ОНЛАЙН-КИТАПХАНӘСЕ

Маттай 5:18

Изге Язмалар (Тәүрат, Зәбур, Инҗил)
- 18 Сезгә хак сүз әйтәм: җир һәм күк юкка чыгар, әмма бар язылганнар үтәлмичә, Канундагы иң кечкенә бер хәреф тә я берәр хәрефнең сызыгы да юкка чыкмас.+

Маттай 5:18

Инҗил. Мәсихче Грек Язмаларының Яңа дөнья тәрҗемәсе
- 18 Сезгә хак сүз әйтәм: җир һәм күк юкка чыгар, әмма бар язылганнар үтәлмичә, Канунның кечкенә хәрефе дә һәм хәрефенең бер генә сызыгы да юкка чыкмас.

Маттай. Аңлатмалар. 5 нче бүлек

Изге Язмалар. Яңа дөнья тәрҗемәсе (өйрәнү басмасы)
- 5:18
  
  хак сүз: Грекча аме́н, еврейчә аме́н сүзенең транслитерациясе; мәгънәсе «шулай булсын» я «һичшиксез». Гайсә бу сүзтезмәне берәр нинди фикер, вәгъдә я пәйгамбәрлек әйтер алдыннан еш кулланган; шулай итеп ул үз сүзләренең тулы ышанычлы һәм дөрес булуына басым ясаган. «Хак сүз», ягъни амин, дигән сүзне Гайсә генә шулай итеп кулланган; Изге Язмаларда я башка дини әдәбиятта андый кулланыш бүтән очрамый дип санала. (Ях 1:51 гә аңлатманы кара.)
  
  җир һәм күк юкка чыгар: «Беркайчан» дигән сүзгә тиң гипербола. Изге Язмалар буенча, күкләр һәм җир мәңге булачак (Зб 78:69; 119:90).
  
  иң кечкенә бер хәреф тә: Ул вакыттагы еврей алфавитында иң кечкенә хәреф йод (י) булган.
  
  берәр хәрефнең бер сызыгы да: Билгеле еврей хәрефләрендә кечкенә бер сызык булган; ул бер хәрефне икенчесеннән аерып торган. Гайсә гипербола кулланып, Аллаһы Сүзенең иң кечкенә нечкәлекләренә кадәр үтәләчәгенә басым ясаган.